രാജ്യത്തിന്റെ റെയിൽവേ ചരിത്രത്തിൽ പുതിയ അദ്ധ്യായം കുറിച്ചുകൊണ്ട് ഇന്ത്യയിലെ ആദ്യ എൽഎൻജി-ഡീസൽ ഇരട്ട ഇന്ധന ഡെമു ട്രെയിൻ പരീക്ഷണം വിജയകരം. വെസ്റ്റേൺ റെയിൽവേയുടെ അഹമ്മദാബാദ് ഡിവിഷനാണ് ദ്രവീകൃത പ്രകൃതിവാതകവും ഡീസലും ഉപയോഗിച്ചുള്ള ഇരട്ട ഇന്ധന സംവിധാനം വിജയകരമായി പരീക്ഷിച്ചത്. ‘ഗ്രീൻ റെയിൽവേ’ ദൗത്യത്തിന്റെ ഭാഗമായി പരിസ്ഥിതി സൗഹൃദവും ചിലവ് കുറഞ്ഞതുമായ ഗതാഗത സംവിധാനത്തിലേക്കുള്ള ഇന്ത്യയുടെ നിർണായക ചുവടുവെപ്പാണിതെന്ന് അധികൃതർ വ്യക്തമാക്കി.
സബർമതിയിലെ കോച്ചിംഗ് ഡിപ്പോയിൽ വെച്ച് ട്രെയിനിന്റെ പ്രവർത്തനം ഉന്നത ഉദ്യോഗസ്ഥർ വിലയിരുത്തി. രാജ്യത്തെ റെയിൽവേ ട്രാക്കുകളിൽ നിന്നുള്ള കാർബൺ ബഹിർഗമനം വലിയ തോതിൽ കുറയ്ക്കാൻ ഈ സാങ്കേതികവിദ്യ സഹായിക്കും. പുതിയ സംവിധാനത്തിൽ 1400 കുതിരശക്തിയുള്ള (HP) രണ്ട് ഡിഎംയു (DMU) കാറുകളാണ് ഡീസലിനൊപ്പം എൽഎൻജി കൂടി ഉപയോഗിക്കാൻ പാകത്തിൽ മാറ്റം വരുത്തിയത്. ഇതിലൂടെ ഡീസൽ ഉപയോഗം 40 ശതമാനം വരെ കുറയ്ക്കാൻ സാധിക്കും.
Marking a historic milestone, Western Railway successfully tests India’s first LNG-diesel dual-fuel DEMU train. This Green Railway initiative aims to cut diesel usage by 40% and significantly reduce carbon emissions.
