യാത്രക്കാർക്കായി പുതുതായി പുറത്തിറങ്ങുന്ന വന്ദേ ഭാരത് സ്ലീപ്പർ ട്രെയിനുകളിൽ വളർത്തുമൃഗങ്ങളെ സുരക്ഷിതമായി കൊണ്ടുപോകുന്നതിനുള്ള പ്രത്യേക ‘പെറ്റ് ബോക്സ്’ (Pet Box) സൗകര്യം റെയിൽവേ ഒരുക്കുന്നു. ട്രെയിനിന്റെ ഇരുവശങ്ങളിലുമായി എഞ്ചിന് സമീപം സജ്ജീകരിക്കുന്ന മെറ്റൽ ബോക്സുകളിലാണ് മൃഗങ്ങളെ സൂക്ഷിക്കുക; എന്നാൽ ഇവയെ യാത്രാ കമ്പാർട്ടുമെന്റുകൾക്കുള്ളിലേക്ക് പ്രവേശിപ്പിക്കാൻ അനുവദിക്കില്ല.
ഈ സേവനം ഓൺലൈനായി ബുക്ക് ചെയ്യാൻ സാധിക്കില്ലെന്നും, കൺഫേം ആയ ടിക്കറ്റുള്ള യാത്രക്കാർ ട്രെയിൻ പുറപ്പെടുന്നതിന് മൂന്ന് മണിക്കൂർ മുമ്പ് റെയിൽവേ സ്റ്റേഷനിലെ പാഴ്സൽ/ലഗേജ് ഓഫീസിലെത്തി നേരിട്ട് ബുക്ക് ചെയ്യണമെന്നും റെയിൽവേ വ്യക്തമാക്കുന്നു. മൃഗങ്ങളുടെ ഭാരത്തിന് അനുസരിച്ച് കിലോഗ്രാമിന് ഏകദേശം 30 രൂപ നിരക്കിലാണ് ഇതിനുള്ള നിരക്ക് ഈടാക്കുക. യാത്രയ്ക്ക് 24 മുതൽ 48 മണിക്കൂർ മുമ്പ് വെറ്ററിനറി ഡോക്ടർ സാക്ഷ്യപ്പെടുത്തിയ ഫിറ്റ്നസ് സർട്ടിഫിക്കറ്റും വാക്സിനേഷൻ രേഖകളും ബുക്കിംഗിനായി സമർപ്പിക്കേണ്ടതുണ്ട്. ഒരു പിഎൻആറിൽ (PNR) ഒരു വളർത്തുമൃഗത്തെ മാത്രമേ അനുവദിക്കൂ എന്നും ഈ തുക റീഫണ്ട് ലഭിക്കില്ലെന്നും അധികൃതർ അറിയിച്ചു.
Learn how to book the special pet box service on the new Vande Bharat Sleeper trains. Discover the guidelines, required certificates, and booking charges
