ആയിരം കിലോമീറ്ററിലേറെ ദൂരത്തിൽ 11 സംസ്ഥാനങ്ങളിലായി 23 നഗരങ്ങളിലാണ് ഇന്ത്യയുടെ മെട്രോ റെയിൽ ശൃംഖലയുള്ളത്. ഇതിൽ ഡൽഹി മെട്രോ റെയിൽ കോർപറേഷൻ (DMRC) പ്രവർത്തിപ്പിക്കുന്ന ഡൽഹി മെട്രോ ആണ് ഇന്ത്യയിലെ ഏറ്റവും ദൈർഘ്യമേറിയ മെട്രോ ശൃംഖല. ദേശീയ തലസ്ഥാന മേഖലയോടൊപ്പം (NCR) നോയിഡ, ഗുരുഗ്രാം, ഫരീദാബാദ്, ഗാസിയാബാദ് തുടങ്ങിയ സമീപ നഗരങ്ങളേയും ഈ നെറ്റ്വർക്ക് ബന്ധിപ്പിക്കുന്നു.
നീണ്ട റൂട്ടുകൾ, നിരവധി ഇന്റർചേഞ്ച് സ്റ്റേഷനുകൾ തുടങ്ങിയവ കൊണ്ട് ശ്രദ്ധേയമായ ഡൽഹി മെട്രോ യാത്രക്കാരുടെ എണ്ണത്തിലും മുൻപന്തിയിലാണ്. അതുകൊണ്ടുതന്നെ നോർത്ത് ഇന്ത്യയിലെ പൊതുഗതാഗതത്തിന്റെ നട്ടെല്ലായാണ് ഡൽഹി മെട്രോ കണക്കാക്കപ്പെടുന്നത്. വേഗതയേറിയതും കൃത്യസമയത്തുള്ളതുമായ യാത്ര നൽകുന്നു, ഗതാഗതക്കുരുക്കും മലിനീകരണവും കുറയ്ക്കുന്നു, സുരക്ഷിതവും സുഖകരവുമായ യാത്രകൾ വാഗ്ദാനം ചെയ്യുന്നു എന്നിങ്ങനെ തലസ്ഥാനത്തെ ദൈനംദിന ജീവിതത്തിൽ മെട്രോ വലിയ മാറ്റങ്ങൾ വരുത്തി. ജോലി, പഠനം, ഷോപ്പിംഗ് യാത്രകൾ എന്നിവയ്ക്കായി ലക്ഷക്കണക്കിന് യാത്രക്കാരാണ്ർ ദിവസവും മെട്രോയെ ആശ്രയിക്കുന്നത്.
ഡൽഹി മെട്രോ ശൃംഖലയിലെ ഏറ്റവും ദൈർഘ്യമേറിയ റൂട്ടാണ് യെല്ലോ ലൈൻ. സമയ്പൂർ ബദ്ലി (വടക്കൻ ഡൽഹി) മുതൽ ഗുരുഗ്രാമിലെ (സൗത്ത് എൻസിആർ) മില്ലേനിയം സിറ്റി സെന്റർ വരെ ഏകദേശം 49 കിലോമീറ്റർ നീളമാണ് യെല്ലോ ലൈനിനുള്ളത്. പ്രധാന വാണിജ്യ, റെസിഡൻഷ്യൽ മേഖലകളെ ബന്ധിപ്പിക്കുന്നതിനാൽ ഈ റൂട്ട് വളരെ തിരക്കേറിയതാണ്. രാജീവ് ചൗക്ക്, കശ്മീരി ഗേറ്റ്, സെൻട്രൽ സെക്രട്ടേറിയറ്റ് തുടങ്ങിയ പ്രധാനപ്പെട്ട ഇന്റർചേഞ്ച് സ്റ്റേഷനുകൾ ഈ ലൈനിലാണ് വരുന്നത്. അതുകൊണ്ടുതന്നെ ഡൽഹി മെട്രോയിലെ ഏറ്റവും കൂടുതൽ ഉപയോഗിക്കുന്ന ഇടനാഴികളിൽ ഒന്നാണിത്.
Delhi Metro remains India’s largest metro network, connecting Delhi with Noida, Gurgaon, and beyond. Learn about the 49-km long Yellow Line and how the DMRC serves millions of commuters daily across the NCR.
