ബ്രഹ്മപുരത്ത് ഉദ്ഘാടനത്തിന് ഒരുങ്ങി കൊച്ചി കോർപ്പറേഷന്റെ കംപ്രസ്ഡ് ബയോഗ്യാസ് (CBG) പ്ലാന്റ്. 150 ടൺ ഉറവിട ഖരമാലിന്യം സംസ്കരിക്കാൻ ശേഷിയുള്ള പ്ലാന്റാണിത്. ഭാരത് പെട്രോളിയം കോർപ്പറേഷൻ ലിമിറ്റഡിന്റെ (BPCL) കൊച്ചി റിഫൈനറിക്ക് വേണ്ടി ഏകദേശം 6 മെട്രിക് ടൺ സിബിജിയും 128 ടൺ ഖര, ദ്രവ ജൈവ വളവും ഉത്പാദിപ്പിക്കാൻ ഇത് സഹായിക്കുമെന്ന് കണക്കാക്കപ്പെടുന്നു.
പദ്ധതിക്ക് ധനസഹായം നൽകിയ കമ്പനിയാണ് ബിപിസിഎൽ. 3.2 കിലോമീറ്റർ നീളമുള്ള പൈപ്പ്ലൈൻ വഴി അമ്പലമേട്ടിലെ ബിപിസിഎല്ലിന്റെ പ്ലാന്റിലേക്ക് സിബിജി എത്തിക്കും. 100 ടൺ ദ്രാവക ജൈവ വളവും 28 ടൺ ഖര ജൈവ വളവും ഫെർട്ടിലൈസേഴ്സ് ആൻഡ് കെമിക്കൽസ് ട്രാവൻകൂർ (FACT) ലിമിറ്റഡ് വഴി വിപണനം ചെയ്യും. ബയോഗ്യാസ് പ്ലാന്റ് ഫെബ്രുവരി 27ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.
Chief Minister Pinarayi Vijayan to inaugurate the Brahmapuram CBG plant on Feb 27. The plant will produce 6 metric tons of biogas for BPCL and organic fertilizers for FACT.
