ആമസോണിന്റെ പുതിയ ഓഫീസ് ക്യാംപസ് ബെംഗളൂരുവിൽ തുറന്നു. 11 ലക്ഷം ചതുരശ്ര അടി വിസ്തീർണ്ണത്തിൽ വ്യാപിച്ചുകിടക്കുന്ന ഓഫീസ് കമ്പനിയുടെ ഏഷ്യയിലെതന്നെ രണ്ടാമത്തെ വലിയ ഓഫീസ് ആണ്. ഇന്ത്യയിലെ ഇ-കൊമേഴ്സ്, ഓപ്പറേഷൻസ്, പേയ്മെന്റ്സ്, ടെക്നോളജി, സെല്ലർ സർവീസസ് തുടങ്ങിയ മേഖലകളിലെ 7000ലധികം ജീവനക്കാരാണ് പുതിയ ആമസോൺ ഓഫീസിൽ പ്രവർത്തിക്കുക.
അഞ്ച് ഏക്കർ സ്ഥലത്താണ് ഈ ഓഫീസ് കോംപ്ലക്സ് സ്ഥിതി ചെയ്യുന്നത്. ഇന്ത്യയിലെ ബിസിനസ്സിനോട് തങ്ങളുടെ പ്രതിബദ്ധതയുടെ അടയാളമാണ് ഈ പുതിയ ഓഫീസെന്ന് ആമസോൺ പ്രതിനിധി വ്യക്തമാക്കി. ആമസോൺ രാജ്യത്ത് ഇതിനകം 40 ബില്യൺ ഡോളറിലധികം നിക്ഷേപം നടത്തിയിട്ടുണ്ട്. 2030ഓടെ 35 ബില്യൺ ഡോളർ കൂടി നിക്ഷേപിക്കാനാണ് കമ്പനി ലക്ഷ്യമിടുന്നത്.
മീറ്റിംഗ് റൂമുകൾ, ഹഡിൽ സ്പേസുകൾ, ബ്രേക്ക്ഔട്ട് ഏരിയകൾ, 200ലധികം ആളുകൾക്ക് പങ്കെടുക്കാൻ കഴിയുന്ന ഇവന്റ് സ്പേസുകൾ തുടങ്ങിയ നിരവധി സവിശേഷതകളും പുതിയ ഓഫീസിൽ സജ്ജീകരിച്ചിട്ടുണ്ട്. ഇതിനുപുറമേ, ജീവനക്കാർക്ക് ബാസ്കറ്റ്ബോൾ, പിക്കിൾബോൾ കോർട്ടുകൾ, ആംഫി തിയേറ്റർ, ലാൻഡ്സ്കേപ്പ്ഡ് പുൽത്തകിടികൾ, ഔട്ട്ഡോർ കമ്മ്യൂണിറ്റി സ്പേസുകൾ തുടങ്ങിയ സൗകര്യങ്ങളും ലഭ്യമാണ്.
Amazon inaugurates its massive new 11 lakh sq. ft. campus in Bengaluru. Housing over 7,000 employees, this marks a major step in Amazon’s $40B+ investment in India.
