ഇന്ത്യയ്ക്ക് പുതിയ യുറേനിയം നൽകാൻ കസാക്കിസ്ഥാൻ. എല്ലാ ആണവായുധങ്ങളുടെയും കാതലായ പ്രധാന ഘടകമാണ് യുറേനിയം. വേൾഡ് ന്യൂക്ലിയർ അസോസിയേഷന്റെ കണക്കനുസരിച്ച്, ലോകത്ത് ഏകദേശം 20 രാജ്യങ്ങൾ മാത്രമേ യഥാർത്ഥത്തിൽ യുറേനിയം ഉത്പാദിപ്പിക്കുന്നുള്ളൂ. ഇന്ത്യയും പാക്കിസ്ഥാനും അവയിൽ ഉൾപ്പെട്ടിട്ടുണ്ടെങ്കിലും ഈ കൂട്ടത്തിൽ മുന്നിലുള്ള പ്രധാന രാജ്യമാണ് കസാക്കിസ്ഥാൻ.
പുതിയ കരാർ ഇന്ത്യയുടെ ആണവ നിലയങ്ങൾക്ക് ഇന്ധനം നൽകും. കസാക്കിസ്ഥാനിലെ കസറ്റോംപ്രോമും ഇന്ത്യയുടെ ആണവോർജ്ജ വകുപ്പും തമ്മിലുള്ള സമീപകാല ചർച്ചകളെ തുടർന്നാണ് കരാർ. ഈ വികസനം ഇരു രാജ്യങ്ങളും തമ്മിലുള്ള ഊർജ്ജ സഹകരണം ശക്തിപ്പെടുത്തുന്നു. കഴിഞ്ഞ കരാർ കുറച്ച് വർഷങ്ങൾക്ക് മുമ്പ് അവസാനിച്ചതു മുതൽ ഇന്ത്യയും കസാക്കിസ്ഥാനും യുറേനിയം വിതരണ കരാറിനായി ചർച്ചകൾ നടത്തിവരികയായിരുന്നു.
2009 ജനുവരിയിൽ, ഇന്ത്യയ്ക്ക് 2,100 ടൺ യുറേനിയം വിതരണം ചെയ്യുന്നതിനായി കസാറ്റോംപ്രോം ഇന്ത്യയുടെ ന്യൂക്ലിയർ പവർ കോർപ്പറേഷനുമായി (NPCIL) കരാറിൽ ഒപ്പുവച്ചു. 2015-19 കാലയളവിൽ 5,000 ടൺ യുറേനിയം വിതരണം ചെയ്യുന്നതിനായും കരാർ ഉണ്ടാക്കി. യുറേനിയം ഖനനം, അപൂർവ ലോഹങ്ങളുടെ സംസ്കരണം, ബെറിലിയം, ടാന്റലം ഉൽപ്പന്നങ്ങളുടെ ഉത്പാദനം, വിൽപ്പന എന്നിവയിൽ ഏർ്പെട്ടിരിക്കുന്ന കമ്പനിയാണ് കസാക്കിസ്ഥാൻ സവർൺമെന്റ് നിയന്ത്രണത്തിലുള്ള കസാറ്റോംപ്രോം.
Kazakhstan’s Kazatomprom and India’s DAE finalize a new uranium supply deal. This agreement ensures long-term fuel security for India’s nuclear power plants.
