യാത്രക്കാരുടെ ആവശ്യങ്ങൾ നിറവേറ്റുന്നതിനായി ഇന്ത്യൻ റെയിൽവേ നിരവധി ട്രെയിൻ സർവീസുകൾ നടത്തുന്നു. ഇതുമായി ബന്ധപ്പെടാടണ് ദേശീയ ഗതാഗത കമ്പനി 2019ൽ ഇന്ത്യയിലെ ആദ്യത്തെ സ്വകാര്യ ട്രെയിനായ തേജസ് എക്സ്പ്രസ് അവതരിപ്പിച്ചത്. നിലവിൽ, ഇത്തരത്തിലുള്ള രണ്ട് ട്രെയിനുകൾ ശൃംഖലയിൽ ഓടുന്നു. രണ്ടും പൂർണ്ണമായും പ്രവർത്തിപ്പിക്കുകയും പരിപാലിക്കുകയും ചെയ്യുന്നത് ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ (IRCTC) ആണ്. രാജ്യത്തെ ആദ്യത്തെ സ്വകാര്യ ട്രെയിനായ തേജസ് എക്സ്പ്രസ്, ന്യൂഡൽഹിക്കും ലഖ്നൗവിനും ഇടയിലുള്ള ഏറ്റവും തിരക്കേറിയ ഇടനാഴികളിൽ ഒന്നിലൂടെയാണ് സർവീസ് നടത്തുന്നത്. ഈ സർവീസ് വിജയമായതിനെത്തുടർന്ന്, 2020ൽ അഹമ്മദാബാദിനെയും മുംബൈയെയും ബന്ധിപ്പിക്കുന്ന രണ്ടാമത്തെ പ്രീമിയം തേജസ് ട്രെയിൻ അവതരിപ്പിച്ചു.
യാത്രക്കാരുടെ എണ്ണവും വരുമാനവും
പ്രവർത്തനം തുടങ്ങി ഒരു മാസത്തിനുള്ളിൽ, ന്യൂഡൽഹി-ലഖ്നൗ തേജസ് ട്രെയിൻ ഏകദേശം 7.73 ലക്ഷം രൂപയുടെ പ്രവർത്തന വരുമാനം നേടി. 2025–26 സാമ്പത്തിക വർഷത്തെ മൂന്നാം പാദത്തിൽ (ഒക്ടോബർ-ഡിസംബർ) തേജസ് എക്സ്പ്രസ് ട്രെയിനുകൾ ഏകദേശം 50 കോടി രൂപ വരുമാനമാണമാണ് നേടിയത്. ഇതേ കാലയളവിൽ, ഡൽഹി-ലഖ്നൗ തേജസ് ട്രെയിനിലെ യാത്രക്കാരുടെ എണ്ണം 69 ശതമാനവും അഹമ്മദാബാദ്-മുംബൈ തേജസ്സിലെ യാത്രക്കാരുടെ എണ്ണം 109 ശതമാനവുമായിരുന്നു.
സെമി ഹൈ സ്പീഡ് ട്രെയിൻ
ആധുനിക ഓൺബോർഡ് സൗകര്യങ്ങളും മെച്ചപ്പെട്ട യാത്രാസൗകര്യങ്ങളുമുള്ള സെമി ഹൈ സ്പീഡ് ട്രെയിനാണ് തേജസ് എക്സ്പ്രസ്. കപൂർത്തലയിലെ റെയിൽ കോച്ച് ഫാക്ടറിയിലാണ് കോച്ചുകൾ നിർമ്മിക്കുന്നത്. പുതുതായി രൂപകൽപ്പന ചെയ്ത കോച്ചുകൾക്ക് മണിക്കൂറിൽ 200 കിലോമീറ്റർ വേഗതയിൽ ഓടാൻ കഴിയും, എന്നാൽ റെയിൽ ട്രാക്കുകളുമായി ബന്ധപ്പെട്ട നിയന്ത്രണങ്ങൾ കാരണം ഇവ മണിക്കൂറിൽ 160 കിലോമീറ്റർ വേഗതയേ കൈവരിക്കൂ. സ്റ്റീൽ ബ്രേക്ക് ഡിസ്ക്, സിന്റേർഡ് പാഡുകൾ, ഇലക്ട്രോ-ന്യൂമാറ്റിക് അസിസ്റ്റ് ബ്രേക്ക് സിസ്റ്റം എന്നിവ നൽകിയതിലൂടെയാണ് മണിക്കൂറിൽ 200 കിലോമീറ്റർ വേഗതയിലേക്ക് എത്തിയത്.
India’s first private train, Tejas Express, continues its successful run with ₹50 crore revenue in Q3 2025–26. Learn about the performance of Delhi-Lucknow and Ahmedabad-Mumbai routes.
