ഇന്ത്യയിലെ ഏറ്റവും വലുതും ഉയർന്ന വളർച്ചാ സാധ്യതയുള്ളതുമായ അൺലിസ്റ്റഡ് കമ്പനികളുടെ പട്ടികയിൽ മൂന്നാമതായി മലബാർ ഗോൾഡ് ആൻഡ് ഡയമണ്ട്സ് (Malabar Gold and Diamonds). ജെഎം ഫിനാൻഷ്യൽ-ഹുറൂൺ ഇന്ത്യ ‘Unlisted Gems 2026’ പട്ടികയിലാണ് മലബാർ ഗോൾഡ് ഇടംപിടിച്ചിരിക്കുന്നത്. പട്ടികയിൽ റിലയൻസ് റീട്ടെയിൽ (Reliance Retail) ഒന്നാം സ്ഥാനത്തും ഫ്ലിപ്കാർട്ട് (Flipkart) രണ്ടാമതുമാണ്.
₹2.7 ലക്ഷം കോടി രൂപ വരുമാനത്തോടെയാണ് റിലയൻസ് റീട്ടെയിൽ രാജ്യത്തെ ഏറ്റവും വലിയ അൺലിസ്റ്റഡ് കമ്പനിയായി മാറിയത്. അതേസമയം രണ്ടാമതുള്ള ഫ്ലിപ്കാർട്ടിന് ₹83,000 കോടിയും മൂന്നാമതുള്ള മലബാർ ഗോൾഡിന് ₹66,000 കോടി വരുമാനവുമാണ് ഉള്ളത്. വരുമാനത്തിനൊപ്പം ഗ്രോത്ത്, സ്കെയിൽ, ഐപിഒ റെഡിനെസ് എന്നിവയും കണക്കാക്കിയാണ് പട്ടിക തയ്യാറാക്കിയത്.
കുറഞ്ഞത് ₹1000 കോടി രൂപ വരുമാനമുള്ളതും വർഷങ്ങളായി സ്ഥിരമായ വരുമാനവും ലാഭവളർച്ചയും രേഖപ്പെടുത്തുന്ന സംരംഭങ്ങളെയുമാണ് പട്ടികയിൽ ഉൾപ്പെടുത്തിയിരിക്കുന്നത്. ഇതുവരെ ഓഹരി വിപണിയിൽ പ്രവേശിക്കാനുള്ള ഔദ്യോഗിക പ്രഖ്യാപനം നടത്തിയിട്ടില്ലെങ്കിലും, ഭാവിയിൽ പൊതുവിപണിയിലേക്ക് കടക്കാൻ ശേഷിയുള്ള കമ്പനികളായാണ് ഇവയെ വിലയിരുത്തുന്നത്.
Malabar Gold & Diamonds secures the 3rd spot in the JM Financial-Hurun India ‘Unlisted Gems 2026’ list with ₹66,872 crore revenue, trailing only Reliance Retail and Flipkart. Explore the rankings of India’s biggest unlisted giants.
