തെന്നിന്ത്യൻ താരജോഡികളായ വിജയ് ദേവരകൊണ്ടയ്ക്കും രശ്മിക മന്ദാനയ്ക്കും പ്രണയ സാഫല്യം. രാജസ്ഥാനിലെ ഉദയ്പൂരിലെ ഐടിസി മെമൻറോസ് ഹോട്ടലിൽ ഹിന്ദു ആചാരപ്രകാരമാണ് വിജയ് ദേവരകൊണ്ട രശ്മികയുടെ കഴുത്തിൽ താലി ചാർത്തിയത്. ഇരുവരുടെയും കുടുംബാംഗങ്ങളും അടുത്ത സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. വിവാഹ ചടങ്ങുകളുടെ ചിത്രങ്ങൾ ഇരുവരും സോഷ്യൽ മീഡിയയിൽ പങ്കുവെച്ചതോടെ അവ നിമിഷങ്ങൾക്കകം വൈറലായി. ‘വിരോഷ്’ എന്ന് പേര് നൽകിയ വിവാഹം മൂന്ന് ദിവസമാണ് നീണ്ടത്.
ഇരുവരും ഒന്നിച്ചഭിനയിച്ച ഗീതാഗോവിന്ദത്തിലെ വിവാഹ വീഡിയോകൾ പങ്കുവച്ചാണ് പലരും അഭിനന്ദനവും ആശംസയും അറിയിക്കുന്നത്. തെലുഗു സംസ്കാര രീതിയിലായിരുന്നു വിവാഹച്ചടങ്ങുകൾ. രശ്മികയുടെ കുടുംബത്തിന്റെ പരമ്പരാഗത കൊടവ ആചാര പ്രകാരമുള്ള ചടങ്ങുകളും നടന്നു മിനിമലിസ്റ്റിക് ബഹോ തീമിൽ ഒരുക്കിയ വിവാഹവേദിയിൽ നിന്നുള്ള വിവാഹ ചിത്രങ്ങളും വീഡിയോകളും പുറത്താകാതിരിക്കാൻ മൊബൈൽ ഫോണുകൾക്കും ക്യാമറകൾക്കും കർശന വിലക്ക് ഏർപ്പെടുത്തിയിരുന്നു.
കുടുംബം, സുഹൃത്തുക്കൾ, സിനിമാ പ്രവർത്തകർ എന്നിങ്ങനെ നൂറോളം പേർക്കാണ് വിവാഹത്തിലേക്ക് ക്ഷണമുണട്ടായിരുന്നത്. കഴിഞ്ഞ ഒക്ടോബറിൽ ഹൈദരാബാദിൽ വച്ചുനടന്ന സ്വകാര്യചടങ്ങിൽ വച്ചാണ് ഇരുവരുടെയും വിവാഹനിശ്ചയം നടന്നത്. ഉദയ്പൂരിലെ വിവാഹത്തിന് ശേഷം മാർച്ച് നാലിന് ഹൈദരാബാദിലെ ബഞ്ചാരഹള്ളിയിലെ താജ് കൃഷ്ണ ഹോട്ടലിൽ വിരുന്ന് സത്കാരം നടക്കും. സിനിമാ രംഗത്തെ പ്രമുഖർ പങ്കെടുക്കുമെന്നാണ് വിവരം.
South Indian superstars Vijay Deverakonda and Rashmika Mandanna have officially married in a stunning ceremony in Udaipur. See details of their traditional Hindu and Kodava rituals, the “ViRash” celebration, and upcoming reception.
