റഫാൽ യുദ്ധവിമാനങ്ങളുടെ കൺട്രോൾ സിസ്റ്റങ്ങളിൽ ഉപയോഗിക്കുന്ന അതീവ നിർണായകമായ ഭാഗങ്ങൾ നിർമ്മിക്കുന്നതിനായി ഫ്രഞ്ച് വിമാനനിർമ്മാതാക്കളായ ദസ്സാൾട്ട് ഏവിയേഷനുമായി (Dassault Aviation) കരാറിൽ ഒപ്പിട്ട് ഇന്ത്യൻ കമ്പനിയായ ഹൈക്കൽ ടെക്നോളജീസ് (Hical Technologies). ദസ്സാൾട്ട് ഏവിയേഷന്റെ കർശന ഗുണനിലവാര പരിശോധനകൾക്കും എൻജിനീയറിംഗ് മികവ് വിലയിരുത്തിയതിനും ശേഷമാണ് ഈ ദീർഘകാല കരാർ ഹൈക്കലിന് നൽകിയത്. ലോകത്തിലെ ഏറ്റവും അത്യാധുനിക മൾട്ടിറോൾ യുദ്ധവിമാനങ്ങളിലൊന്നായ റഫാലിന്റെ പ്രവർത്തനക്ഷമതയെ സഹായിക്കുന്ന സ്പെഷ്യലൈസ്ഡ് ഘടകങ്ങളാണ് കമ്പനി നിർമ്മിക്കുക.
ഇന്ത്യയുടെ എയ്റോസ്പേസ് മേഖലയ്ക്ക് വലിയ നേട്ടമാകുന്ന പങ്കാളിത്തത്തിലൂടെ റഫാൽ വിമാനങ്ങളുടെ ആഗോള സപ്ലൈ ശൃംഖലയുടെ ഭാഗമാകാൻ ഹൈക്കൽ ടെക്നോളജീസിന് സാധിക്കും. ഉയർന്ന കൃത്യതയും വിശ്വാസ്യതയും ആവശ്യമുള്ള ഉൽപ്പന്നങ്ങൾ നിർമ്മിക്കാനുള്ള ഇന്ത്യൻ കമ്പനികളുടെ ശേഷിയിലുള്ള വിശ്വാസമാണ് ഈ കരാറെന്ന് ദസ്സാൾട്ട് ഏവിയേഷൻ സീനിയർ എക്സിക്യൂട്ടീവ് വൈസ് പ്രസിഡന്റ് ബ്രൂണോ കോഫിയർ പറഞ്ഞു. വർഷങ്ങളായുള്ള നിക്ഷേപത്തിന്റെയും അത്യാധുനിക നിർമ്മാണ രീതികളുടെയും ഫലമാണ് ഈ നേട്ടമെന്ന് ഹൈക്കൽ മാനേജിംഗ് ഡയറക്ടർ യശസ് ജയവീർ വ്യക്തമാക്കി.
India’s Hical Technologies signs a long-term deal with Dassault Aviation to manufacture critical control system components for Rafale fighter jets.
