ഹരിയാനയെ വിദേശ നിക്ഷേപങ്ങളുടെ ഹബ്ബാക്കി മാറ്റി ജാപ്പനീസ് കമ്പനിയായ ടിഡികെ കോർപ്പറേഷൻ (TDK Corporation). ഹരിയാനയിൽ പുതിയ ബാറ്ററി എനർജി സ്റ്റോറേജ് സിസ്റ്റം (BESS) യൂണിറ്റ് സ്ഥാപിക്കുന്നതിനായി 4,000 കോടി രൂപയുടെ നിക്ഷേപമാണ് കമ്പനി പ്രഖ്യാപിച്ചിരിക്കുന്നത്. ഭാരത് ഇലക്ട്രിസിറ്റി സമ്മിറ്റ് 2026ൽ ഹരിയാന മുഖ്യമന്ത്രി നായബ് സിംഗ് സൈനി, കേന്ദ്രമന്ത്രി മനോഹർ ലാൽ എന്നിവരുമായി നടത്തിയ കൂടിക്കാഴ്ചയിലാണ് കമ്പനി പ്രതിനിധികൾ ഇക്കാര്യം വ്യക്തമാക്കിയത്. നിലവിൽ ഹരിയാനയിലെ സോഹ്നയിൽ 180 ഏക്കറിലായി ടിഡികെ കോർപ്പറേഷന് വലിയൊരു നിർമ്മാണ യൂണിറ്റ് പ്രവർത്തിക്കുന്നുണ്ട്.
പുതിയ നിക്ഷേപത്തിലൂടെ ബാറ്ററി ഊർജ്ജ സംഭരണ രംഗത്ത് വലിയ മുന്നേറ്റമാണ് ഹരിയാന ലക്ഷ്യമിടുന്നത്. മുഖ്യമന്ത്രിയുമായുള്ള ചർച്ചയിൽ കമ്പനിയുടെ പ്രതിനിധി സംഘം തങ്ങളുടെ വിപുലീകരണ പദ്ധതികൾ വിശദീകരിച്ചു. ഹരിയാനയുടെ മികച്ച വ്യവസായ സൗഹൃദ നയങ്ങളാണ് നിക്ഷേപത്തിന് കമ്പനിയെ പ്രേരിപ്പിച്ചത്. ഈ പുതിയ പ്ലാന്റ് വരുന്നതോടെ സംസ്ഥാനത്തെ പുനരുപയോഗ ഊർജ്ജ മേഖലയ്ക്കും തൊഴിലവസരങ്ങൾക്കും വലിയ കരുത്ത് ലഭിക്കുമെന്നാണ് വിലയിരുത്തപ്പെടുന്നത്.
tdk corporation announces a ₹4,000 crore investment for a battery energy storage system (bess) unit in haryana. learn more about this major japanese investment
