പൈപ്പ്ഡ് നാച്ചുറൽ ഗ്യാസ് (PNG) സൗകര്യം ലഭ്യമായിട്ടും അത് സ്വീകരിക്കാത്ത വീടുകളിലേക്കുള്ള എൽപിജി വിതരണം നിർത്തലാക്കാൻ കേന്ദ്ര സർക്കാർ ഉത്തരവിട്ടു. മാർച്ച് 24ന് പെട്രോളിയം മന്ത്രാലയം പുറപ്പെടുവിച്ച പുതിയ വിജ്ഞാപന പ്രകാരം, പിഎൻജി കണക്ഷൻ ലഭ്യമായ മേഖലകളിൽ മൂന്ന് മാസത്തിനകം പുതിയ കണക്ഷനിലേക്ക് മാറാത്തവരുടെ ഗ്യാസ് സിലിണ്ടർ വിതരണം അവസാനിപ്പിക്കും. അന്താരാഷ്ട്ര തലത്തിലെ ഇന്ധന പ്രതിസന്ധി കണക്കിലെടുത്താണ് സിലിണ്ടർ വിതരണം പരിമിതപ്പെടുത്താൻ സർക്കാർ തീരുമാനിച്ചത്.
സാങ്കേതിക കാരണങ്ങളാൽ പൈപ്പ് ലൈൻ കണക്ഷൻ എത്തിക്കാൻ കഴിയാത്ത വീടുകൾക്ക് അതോറിറ്റിയിൽ നിന്നും നോ ഒബ്ജക്ഷൻ സർട്ടിഫിക്കറ്റ് (NOC) വാങ്ങി എൽപിജി സേവനം തുടരാവുന്നതാണ്. ഹൗസിംഗ് സൊസൈറ്റികളിലും മറ്റും പൈപ്പ് ലൈൻ സ്ഥാപിക്കുന്നതിനുള്ള അനുമതികൾ വേഗത്തിലാക്കാനും 48 മണിക്കൂറിനുള്ളിൽ കണക്ഷൻ നൽകാനും പുതിയ നിയമം വ്യവസ്ഥ ചെയ്യുന്നു. പിഎൻജി സൗകര്യമുള്ളയിടങ്ങളിൽ അത് നിർബന്ധമാക്കുന്നതിലൂടെ സിലിണ്ടറുകൾ മറ്റ് ഉൾപ്രദേശങ്ങളിലേക്ക് തിരിച്ചുവിടാനാണ് സർക്കാർ ലക്ഷ്യമിടുന്നത്.
The Ministry of Petroleum orders a mandatory shift from LPG cylinders to PNG in areas with pipeline access. LPG supply will stop after a 3-month deadline
