ബോളിവുഡ് സംവിധായകൻ ആദിത്യ ധറിന്റെ പുതിയ ചിത്രം ‘ധുരന്ധർ: ദി റിവഞ്ച്’ (Dhurandhar: The Revenge) ബോക്സ് ഓഫീസിൽ തരംഗമാകുമ്പോൾ, അദ്ദേഹത്തിന്റെ അവിശ്വസനീയമായ കരിയർ വളർച്ചയും ചർച്ചയാകുന്നു. തന്റെ കരിയറിലെ വെറും രണ്ട് സംവിധാന സംരംഭങ്ങളിലൂടെ (ഉറി, ധുരന്ധർ ഫ്രാഞ്ചൈസി) ആഗോളതലത്തിൽ 2000 കോടി രൂപയിലധികം കളക്ഷൻ നേടാൻ ആദിത്യ ധറിന് സാധിച്ചു.
നിലവിൽ ഓരോ സിനിമയ്ക്കും 8 മുതൽ 10 കോടി രൂപ വരെ പ്രതിഫലം വാങ്ങുന്ന അദ്ദേഹത്തിനും ഭാര്യയും നടിയുമായ യാമി ഗൗതമിനും കൂടി 100 കോടി രൂപയിലധികം ആസ്തിയുണ്ടെന്നാണ് കണക്കുകൾ. കരിയറിന്റെ തുടക്കത്തിൽ വലിയ വഞ്ചനകൾക്കും പ്രതിസന്ധികൾക്കും ആദിത്യ ഇരയായിരുന്നു. താൻ എഴുതിയ പല തിരക്കഥകളും മറ്റുള്ളവർ മോഷ്ടിച്ച് 100 കോടി ക്ലബ്ബ് ചിത്രങ്ങളാക്കിയിട്ടുണ്ടെന്നും, പല പ്രോജക്റ്റുകളും ഷൂട്ടിംഗിന് തൊട്ടുമുൻപ് ഉപേക്ഷിക്കപ്പെട്ടിട്ടുണ്ടെന്നും അദ്ദേഹം വെളിപ്പെടുത്തിയിരുന്നു.
ഡിസ്ലെക്സിയ (Dyslexia) ബാധിതനായിരുന്നതിനാൽ പഠനത്തിൽ പിന്നോക്കമായിരുന്ന ആദിത്യ 2006ൽ മുംബൈയിലെത്തി ഗാനരചയിതാവായും തിരക്കഥാകൃത്തായുമാണ് കരിയർ തുടങ്ങിയത്. 2019ലെ ‘ഉറി’യുടെ വൻ വിജയത്തിന് ശേഷം ‘ധുരന്ധർ’ പരമ്പരയിലൂടെ ഇന്ത്യൻ സിനിമയിലെ ഏറ്റവും മൂല്യമുള്ള സംവിധായകനായി അദ്ദേഹം മാറി.
Director Aditya Dhar overcame dyslexia and professional setbacks to build a ₹2,000 crore film empire with just two projects. Explore the incredible journey of the visionary behind Uri and Dhurandhar.
