രാജ്യത്ത് പാചകവാതക (LPG) ലഭ്യതയിലുണ്ടായ കുറവ് പരിഹരിക്കുന്നതിനായി സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും അടിയന്തരമായി മണ്ണെണ്ണ വിതരണം ചെയ്യാൻ കേന്ദ്ര സർക്കാർ തീരുമാനിച്ചു. വീടുകളിലെ പാചകത്തിനായി 60 ദിവസത്തെ അടിയന്തര വിഹിതമാണ് അനുവദിച്ചിരിക്കുന്നത്. പശ്ചിമേഷ്യൻ യുദ്ധസാഹചര്യത്തെത്തുടർന്ന് എൽപിജി ഇറക്കുമതിയിലുണ്ടായ തടസ്സങ്ങൾ കണക്കിലെടുത്താണ് ഈ നടപടി.
നേരത്തെ ‘മണ്ണെണ്ണ രഹിത’ (PDS SKO-free) പട്ടികയിൽ ഉൾപ്പെടുത്തി വിതരണം നിർത്തിവെച്ചിരുന്ന 21 സംസ്ഥാനങ്ങളിലും കേന്ദ്രഭരണ പ്രദേശങ്ങളിലും അടക്കം ഇതോടെ താൽക്കാലികമായി പൊതുവിതരണ ശൃംഖല (PDS) വഴി മണ്ണെണ്ണ വിതരണം പുനഃസ്ഥാപിക്കും. സാധാരണക്കാരായ ഉപഭോക്താക്കൾക്ക് പാചകത്തിനാവശ്യമായ ഇന്ധനം തടസ്സമില്ലാതെ ലഭ്യമാക്കുകയാണ് ഇതിലൂടെ ലക്ഷ്യമിടുന്നത്. ഔദ്യോഗിക ഉത്തരവ് പ്രകാരം, നിലവിലെ പ്രതിസന്ധി മാറുന്നതുവരെ താൽക്കാലിക വിഹിതമായിട്ടായിരിക്കും മണ്ണെണ്ണ വിതരണം നടത്തുക.
to counter the lpg shortage caused by the west asia crisis, the central government allocates a 60-day emergency kerosene supply to all states via pds
