സാമ്പത്തിക പ്രതിസന്ധി രൂക്ഷമായതിനെത്തുടർന്ന് ബജറ്റ് എയർലൈനായ സ്പൈസ് ജെറ്റ് (SpiceJet) ജീവനക്കാരുടെ എണ്ണം വെട്ടിക്കുറയ്ക്കാൻ നടപടികൾ ആരംഭിച്ചു. ആദ്യഘട്ടത്തിൽ അഞ്ഞൂറിലധികം ജീവനക്കാരെ ഈ തീരുമാനം നേരിട്ട് ബാധിക്കുമെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്. വിമാനങ്ങളുടെ എണ്ണം ഗണ്യമായി കുറഞ്ഞതും വർധിച്ചുവരുന്ന കടബാധ്യതയുമാണ് കമ്പനിയെ ഇത്തരമൊരു കടുത്ത തീരുമാനത്തിലേക്ക് നയിച്ചത്.
നിലവിൽ 6,800 ഓളം ജീവനക്കാരുള്ള കമ്പനിയിൽ ഏകദേശം 20 ശതമാനം പേരെ പിരിച്ചുവിടൽ ബാധിച്ചേക്കാം. സാമ്പത്തിക ലാഭത്തിനായി ഏപ്രിൽ ഒന്ന് മുതൽ ആറ് മാസത്തേക്ക് പലർക്കും ശമ്പളമില്ലാത്ത അവധിയും നൽകിയിട്ടുണ്ട്. മാസങ്ങളായി ശമ്പളം വൈകുന്നത് ജീവനക്കാരുടെ ഇടയിൽ വലിയ പ്രതിഷേധത്തിന് കാരണമാകുന്നുണ്ട്. ഏകദേശം 4,500 കോടി രൂപയുടെ ബാധ്യത നിലനിൽക്കുന്നതാണ് സ്പൈസ് ജെറ്റിനെ നിലവിൽ പ്രതിസന്ധിയിലാക്കുന്നത്. പിരിച്ചുവിടൽ നടപടികൾക്ക് പുറമെ പൈലറ്റുമാരുടെ ശമ്പളത്തിലും വലിയ കുറവുണ്ടാകാൻ സാധ്യതയുണ്ടെന്നാണ് സൂചന.
Budget airline SpiceJet initiates job cuts affecting over 500 employees as it struggles with a ₹4,500 crore debt and a shrinking fleet. Learn more about the layoffs and salary delays
