വന്ദേ ഭാരത് എക്സ്പ്രസിന്റെ വൻ വിജയത്തിന് പിന്നാലെ, മണിക്കൂറിൽ 220 കിലോമീറ്റർ വേഗതയിൽ സഞ്ചരിക്കാവുന്ന നെക്സ്റ്റ് ജെൻ ട്രെയിനുകൾ നിർമ്മിക്കാൻ ഇന്ത്യൻ റെയിൽവേ ഒരുങ്ങുന്നു. സെമി ഹൈസ്പീഡ് ട്രെയിനുകളുടെ നിർമ്മാണത്തിനായി രണ്ട് പുതിയ ട്രെയിൻ സെറ്റുകൾക്ക് റെയിൽവേ ബോർഡ് അംഗീകാരം നൽകി. നിലവിൽ വന്ദേ ഭാരതിന്റെ ഡിസൈൻ വേഗത 180 കിലോമീറ്ററാണ്. എന്നാൽ പുതിയ ട്രെയിനുകൾക്ക് 220 കിലോമീറ്റർ ഡിസൈൻ വേഗതയും 200 കിലോമീറ്റർ ഓപ്പറേറ്റിംഗ് വേഗതയും ഉണ്ടാകും. ഇതോടെ ആഗോള സെമി ഹൈസ്പീഡ് നിലവാരത്തിലേക്ക് ഇന്ത്യൻ റെയിൽവേ ചുവടുവെയ്ക്കുകയാണ്.
ചെന്നൈയിലെ ഇന്റഗ്രൽ കോച്ച് ഫാക്ടറിയുടെ (ICF) മേൽനോട്ടത്തിൽ ബിഇഎംഎൽ ആണ് ഈ ട്രെയിനുകൾ രൂപകൽപ്പന ചെയ്ത് നിർമ്മിക്കുന്നത്. 866.87 കോടി രൂപയുടെ കരാറിൽ 16 കോച്ചുകൾ വീതമുള്ള രണ്ട് ട്രെയിനുകളാണ് ആദ്യഘട്ടത്തിൽ നിർമ്മിക്കുക. അത്യാധുനിക സ്റ്റീൽ ബോഡി, പൂർണ്ണമായും എയർകണ്ടീഷൻ ചെയ്ത ചെയർ കാർ സൗകര്യം, ചാരിയിരിക്കാവുന്ന സീറ്റുകൾ എന്നിവ ഈ ട്രെയിനുകളുടെ പ്രത്യേകതയായിരിക്കും. 2027-28 കോച്ച് നിർമ്മാണ പദ്ധതിയിൽ ഉൾപ്പെടുത്തിയിട്ടുള്ള ഈ വിപ്ലവകരമായ നീക്കം ഇന്ത്യയിലെ യാത്രാസമയത്തിൽ വലിയ കുറവുണ്ടാക്കുമെന്നാണ് പ്രതീക്ഷിക്കുന്നത്
Indian Railways takes a giant leap with board approval for next-gen train sets capable of 220 kmph. Built by BEML under ICF supervision, these trains will redefine semi-high-speed travel in India
