ലോകത്തിലെ ഏറ്റവും വലിയ എണ്ണശുദ്ധീകരണ ശാലകളുടെ പട്ടികയിൽ ഇന്ത്യയിലെ റിലയൻസ് ഇൻഡസ്ട്രീസിന്റെ ജാംനഗർ റിഫൈനറി ഒന്നാം സ്ഥാനത്ത്. 2026 ഏപ്രിലിലെ കണക്കുകൾ പ്രകാരം ലോകത്തെ പ്രധാനപ്പെട്ട പത്ത് റിഫൈനറികൾ ഇവയാണ്:
1. ജാംനഗർ റിഫൈനറി, ഇന്ത്യ
ഗുജറാത്തിലെ ജാംനഗറിൽ സ്ഥിതി ചെയ്യുന്ന റിലയൻസ് ഇൻഡസ്ട്രീസിന്റെ ഈ റിഫൈനറിയാണ് ലോകത്തിലെ ഏറ്റവും വലുത്. പ്രതിദിനം 1.24 ദശലക്ഷം ബാരൽ എണ്ണ ശുദ്ധീകരിക്കാനുള്ള ശേഷി ഇതിനുണ്ട്.
2. പാരഗ്വാന റിഫൈനിംഗ് കോംപ്ലക്സ്, വെനസ്വേല
വെനസ്വേലയിലെ പൊതുമേഖലാ സ്ഥാപനമായ PDVSA പ്രവർത്തിപ്പിക്കുന്ന ഈ റിഫൈനറിക്ക് പ്രതിദിനം 9,40,000 ബാരൽ ശേഷിയുണ്ട്. വെസ്റ്റേർൺ ഹെസിസ്ഫെയറിലെ ഏറ്റവും വലിയ കേന്ദ്രമാണിത്.
3. ഉൾസാൻ റിഫൈനറി, ദക്ഷിണ കൊറിയ
എസ്കെ എനർജിയുടെ (SK Energy) ഉടമസ്ഥതയിലുള്ള ഈ റിഫൈനറി ദക്ഷിണ കൊറിയയിലെ ഏറ്റവും വലുതാണ്. പ്രതിദിനം 8,50,000 ബാരൽ ആണ് ശേഷി.
4. യോസു റിഫൈനറി, ദക്ഷിണ കൊറിയ
ജിഎസ് കാൽടെക്സ് (GS Caltex) പ്രവർത്തിപ്പിക്കുന്ന ഈ റിഫൈനറി ഏഷ്യയിലെ ഇന്ധന കയറ്റുമതിയിൽ നിർണ്ണായക പങ്ക് വഹിക്കുന്നു. പ്രതിദിനം 8,40,000 ബാരൽ ശേഷിയുണ്ട്.
5. റുവൈസ് റിഫൈനറി, യുണൈറ്റഡ് അറബ് എമിറേറ്റ്സ്
അബുദാബി നാഷണൽ ഓയിൽ കമ്പനി (ADNOC) നിയന്ത്രിക്കുന്ന ഈ റിഫൈനറി മിഡിൽ ഈസ്റ്റിലെ പ്രധാന കയറ്റുമതി കേന്ദ്രമാണ്. പ്രതിദിനം 8,27,000 ബാരൽ എണ്ണ ഇവിടെ ശുദ്ധീകരിക്കുന്നു.
മറ്റ് പ്രധാന റിഫൈനറികൾ
ദക്ഷിണ കൊറിയയിലെ എസ്-ഓയിൽ കോർപ്പറേഷൻ പ്രവർത്തിപ്പിക്കുന്ന ഒൻസാൻ റിഫൈനറി പ്രതിദിനം 6,69,000 ബാരൽ ശേഷിയുമായി പട്ടികയിൽ ആറാം സ്ഥാനത്താണ്. നൈജീരിയയിലെ ഡാങ്കോട്ടെ റിഫൈനറി പ്രതിദിനം 6,50,000 ബാരൽ ഉൽപ്പാദനവുമായി ആഫ്രിക്കൻ ഭൂഖണ്ഡത്തിലെ ഏറ്റവും വലിയ എണ്ണശുദ്ധീകരണ ശാലയാണ്. അമേരിക്കയിലെ ടെക്സാസിലുള്ള ഗാൽവെസ്റ്റൺ ബേ റിഫൈനറി (6,31,000 ബാരൽ), എക്സോൺ മൊബീലിന്റെ ഉടമസ്ഥതയിലുള്ള ബോമോണ്ട് റിഫൈനറി (6,30,000 ബാരൽ), മോട്ടിവ എന്റർപ്രൈസസിന്റെ പോർട്ട് ആർതർ റിഫൈനറി (6,00,000 ബാരൽ) എന്നിവയാണ് മറ്റ് സ്ഥാനങ്ങളിൽ.
India’s Jamnagar Refinery continues to lead as the world’s largest oil refinery in 2026. Explore the top 10 global refineries, including giants from South Korea, UAE, and Nigeria
