പ്രവർത്തനം തുടങ്ങി വെറും നാല് മാസത്തിനുള്ളിൽ ഇന്ത്യയിലെ ഏറ്റവും തിരക്കേറിയ ഒമ്പതാമത്തെ ആഭ്യന്തര വിമാനത്താവളമായി നവി മുംബൈ അന്താരാഷ്ട്ര വിമാനത്താവളം മാറി. മുംബൈയിലെ ഛത്രപതി ശിവാജി മഹാരാജ് വിമാനത്താവളത്തിലെ തിരക്ക് കുറയ്ക്കുന്നതിനായി അദാനി ഗ്രൂപ്പിന്റെ നേതൃത്വത്തിൽ നിർമ്മിച്ച ഈ വിമാനത്താവളം ഡിസംബർ 25നാണ് പ്രവർത്തനം ആരംഭിച്ചത്.
ഒമ്പതാം സ്ഥാനത്തേക്ക് അതിവേഗം കുതിച്ചെത്തിയ ഈ വിമാനത്താവളം വഴി ഏപ്രിലിൽ മാത്രം ഏകദേശം നാല് ലക്ഷത്തോളം യാത്രക്കാർ യാത്ര ചെയ്തതായി റിപ്പോർട്ടുകൾ വ്യക്തമാക്കുന്നു. 19,650 കോടി രൂപയുടെ നിക്ഷേപത്തിൽ ഒരു റൺവേയുമായി ആരംഭിച്ച ഈ പദ്ധതിയുടെ ആദ്യ ഘട്ടത്തിൽ പ്രതിവർഷം രണ്ട് കോടി യാത്രക്കാരെ കൈകാര്യം ചെയ്യാനാണ് ലക്ഷ്യമിടുന്നത്.
2032ഓടെ പൂർണ്ണ സജ്ജമാകുമ്പോൾ നാല് ടെർമിനലുകളിലായി പ്രതിവർഷം ഒമ്പത് കോടി യാത്രക്കാരെ ഉൾക്കൊള്ളാൻ ശേഷിയുള്ള ലോകോത്തര വിമാനത്താവളമായി ഇത് മാറും.
Just four months after its launch, Navi Mumbai International Airport has become India’s 9th busiest airport, handling nearly 4 lakh passengers in April alone
