ഇന്ത്യയും ദക്ഷിണ കൊറിയയും തമ്മിലുള്ള പണമിടപാടുകൾ കൂടുതൽ സുഗമമാക്കുന്നതിനായി ക്യുആർ കോഡ് അധിഷ്ഠിത പേയ്മെന്റ് സംവിധാനം ഈ വർഷം പുറത്തിറക്കുന്നു. ഇരുരാജ്യങ്ങളും സന്ദർശിക്കുന്ന വിനോദസഞ്ചാരികളെയും ബിസിനസ്സ് യാത്രക്കാരെയുമാണ് പ്രധാനമായും ഈ പദ്ധതി ലക്ഷ്യമിടുന്നത്. ഡിജിറ്റൽ സാമ്പത്തിക രംഗത്തെ സഹകരണം മെച്ചപ്പെടുത്തുന്നതിന്റെ ഭാഗമായി ദക്ഷിണ കൊറിയ ഈ മാസമാദ്യം ഇന്തോനേഷ്യയുമായും സമാനമായ കരാർ ഒപ്പിട്ടിരുന്നു.
പുതിയ സംവിധാനം നിലവിൽ വരുന്നതോടെ ഇരുരാജ്യങ്ങളിലെയും പൗരന്മാർക്ക് കറൻസി നേരിട്ട് കൈമാറാതെ തന്നെ ക്യുആർ കോഡ് സ്കാൻ ചെയ്ത് പണമടയ്ക്കാൻ സാധിക്കും. ദക്ഷിണ കൊറിയൻ പ്രസിഡന്റ് ലീ ജെ മ്യുങ്ങിന്റെ ഇന്ത്യ സന്ദർശനത്തിന് പിന്നാലെയാണ് ഈ നിർണ്ണായക പ്രഖ്യാപനം ഉണ്ടായിരിക്കുന്നത്. വിദേശ രാജ്യങ്ങളിലെ പണമിടപാടുകൾക്ക് ഈടാക്കുന്ന ഉയർന്ന കമ്മീഷൻ തുക വലിയ തോതിൽ കുറയ്ക്കാൻ ഈ സേവനം സഹായിക്കുമെന്ന് ദക്ഷിണ കൊറിയൻ ഫിനാൻഷ്യൽ സർവീസസ് കമ്മീഷൻ ചെയർമാൻ ലീ ഇയോഗ്-വോൺ വ്യക്തമാക്കി.
India and South Korea to launch a QR code-based payment system this year. Tourists and businesses can now make seamless, low-commission cross-border payments.
