2026 സാമ്പത്തിക വർഷത്തിൽ മികച്ച മുന്നേറ്റം കാഴ്ചവെച്ച് അദാനി പോർട്സ് ആൻഡ് സ്പെഷ്യൽ ഇക്കണോമിക് സോൺ (APSEZ). മുൻവർഷത്തെ അപേക്ഷിച്ച് വരുമാനത്തിൽ 25 ശതമാനം വർദ്ധന രേഖപ്പെടുത്തിയ കമ്പനി, 38736 കോടി രൂപയുടെ റെക്കോർഡ് വരുമാനമാണ് നേടിയത്. ഒരു വർഷത്തിനുള്ളിൽ 500 ദശലക്ഷം മെട്രിക് ടണ്ണിലധികം (MMT) കാർഗോ കൈകാര്യം ചെയ്യുന്ന ആദ്യ ഇന്ത്യൻ ട്രാൻസ്പോർട്ട് ഓപ്പറേറ്റർ എന്ന ചരിത്രനേട്ടവും ഇതോടൊപ്പം കമ്പനി സ്വന്തമാക്കി. ആഭ്യന്തര വിപണിയിലെ ശക്തമായ സാന്നിധ്യവും ഓസ്ട്രേലിയ, കൊളംബോ എന്നിവിടങ്ങളിലെ രാജ്യാന്തര പോർട്ടുകളുടെ മികച്ച പ്രകടനവുമാണ് ഈ നേട്ടത്തിനു പിന്നിൽ.
കമ്പനിയുടെ പ്രവർത്തന ലാഭത്തിലും (EBITDA) അറ്റാദായത്തിലും വലിയ വർദ്ധനയാണ് ഇത്തവണ ഉണ്ടായിരിക്കുന്നത്. ലോജിസ്റ്റിക്സ് മേഖലയിൽ 55 ശതമാനവും മറൈൻ സർവീസുകളിൽ 134 ശതമാനവും വളർച്ച കൈവരിക്കാൻ അദാനി പോർട്സിന് സാധിച്ചു. മികച്ച പ്രകടനത്തിന്റെ പശ്ചാത്തലത്തിൽ ഓഹരി ഉടമകൾക്ക് ഓരോ ഓഹരിക്കും 7.5 രൂപ വീതം ലാഭവിഹിതം (Dividend) നൽകാൻ ബോർഡ് ശുപാർശ ചെയ്തിട്ടുണ്ട്. 2030 ഡിസംബറോടെ വാർഷിക കാർഗോ ശേഷി ഒരു ബില്യൺ ടണ്ണായി ഉയർത്താനാണ് കമ്പനി ലക്ഷ്യമിടുന്നത്. ഇതിലൂടെ വരും വർഷങ്ങളിൽ വരുമാനവും ലാഭവും ഇരട്ടിയാക്കാനുള്ള വിപുലമായ പദ്ധതികളാണ് അദാനി പോർട്സ് തയ്യാറാക്കിയിരിക്കുന്നത്.
Adani Ports (APSEZ) reports a massive 25% revenue growth in FY26, reaching ₹38,736 crore. Discover how the company achieved the historic 500 MMT cargo milestone and its plans to double capacity by 2030
