വന്ദേ ഭാരത് സ്ലീപ്പർ ട്രെയിനുകളിൽ വളർത്തുമൃഗങ്ങളുമായി യാത്ര ചെയ്യുന്നവർക്കായി റെയിൽവേ ‘പെറ്റ് ബോക്സ്’ (Pet Box) സൗകര്യം ഏർപ്പെടുത്തി. നായ്ക്കൾ ഉൾപ്പെടെയുള്ള വളർത്തുമൃഗങ്ങളെ സുരക്ഷിതമായി കൊണ്ടുപോകാൻ ട്രെയിനിന്റെ ഇരുവശങ്ങളിലുമായി പ്രത്യേക എൻക്ലോസറുകൾ സജ്ജീകരിച്ചിട്ടുണ്ട്. നിലവിൽ സ്റ്റേഷനുകളിലെ പാർസൽ ഓഫീസുകൾ വഴി നേരിട്ട് മാത്രമേ ഈ സൗകര്യം ബുക്ക് ചെയ്യാൻ സാധിക്കൂ.
ബുക്കിംഗ് രീതിയും നിരക്കും
ട്രെയിൻ പുറപ്പെടുന്നതിന് ചുരുങ്ങിയത് 3 മണിക്കൂർ മുമ്പ് സ്റ്റേഷനിലെ പാർസൽ/ലഗേജ് ഓഫീസിലെത്തി ബുക്കിംഗ് പൂർത്തിയാക്കണം. കൺഫേംഡ് ടിക്കറ്റുള്ള യാത്രക്കാർക്ക് മാത്രമേ ഈ സൗകര്യം ലഭിക്കൂ. യാത്രയ്ക്ക് 24 മുതൽ 48 മണിക്കൂർ മുമ്പ് എടുത്ത വെറ്ററിനറി ഫിറ്റ്നസ് സർട്ടിഫിക്കറ്റും വാക്സിനേഷൻ രേഖകളും നിർബന്ധമാണ്. വളർത്തുമൃഗത്തിന്റെ തൂക്കത്തിന് അനുസരിച്ചാണ് നിരക്ക് ഈടാക്കുന്നത് (കിലോയ്ക്ക് ഏകദേശം 30 രൂപ).
നിബന്ധനകൾ
വളർത്തുമൃഗങ്ങളെ പാസഞ്ചർ ക്യാബിനുള്ളിൽ പ്രവേശിപ്പിക്കില്ല; പകരം എൻജിന് സമീപമുള്ള സുരക്ഷിതമായ മെറ്റൽ ബോക്സുകളിലാണ് ഇവയെ സൂക്ഷിക്കുക. ഒരു പിഎൻആറിൽ (PNR) ഒരു വളർത്തുമൃഗത്തെ മാത്രമേ അനുവദിക്കൂ.
Planning a trip with your furry friend? Vande Bharat Sleeper now offers dedicated ‘Pet Boxes’ for secure animal transport. Learn about the booking process, required veterinary certificates, and travel charges to ensure a smooth journey for your pet
