കടുത്ത ഉഷ്ണതരംഗത്തിന്റെ പശ്ചാത്തലത്തിൽ ഡെലിവറി പങ്കാളികൾക്കായി വിശ്രമകേന്ദ്രങ്ങളൊരുക്കുന്ന ‘ആശ്രയ്’ (Ashray) പദ്ധതി രാജ്യവ്യാപകമായി വിപുലീകരിക്കാൻ ആമസോൺ ഇന്ത്യ തീരുമാനിച്ചു. ഡൽഹി, മുംബൈ, ബെംഗളൂരു, ചെന്നൈ ഉൾപ്പെടെയുള്ള പ്രധാന നഗരങ്ങളിലെ കേന്ദ്രങ്ങളുടെ എണ്ണം ഈ വർഷം 250 ആയി ഉയർത്താനാണ് കമ്പനി ലക്ഷ്യമിടുന്നത്.
ഇതിന്റെ ഭാഗമായി മെയ് മാസാവസാനത്തോടെ 50 പുതിയ കേന്ദ്രങ്ങൾ കൂടി പ്രവർത്തനസജ്ജമാക്കും. എയർകണ്ടീഷൻ ചെയ്ത ഇരിപ്പിടങ്ങൾ, കുടിവെള്ളം, മൊബൈൽ ചാർജിംഗ് പോയിന്റുകൾ, ശുചിമുറികൾ തുടങ്ങിയ സൗകര്യങ്ങൾ ലഭ്യമായ ഈ കേന്ദ്രങ്ങൾ ആമസോണിന് പുറമെയുള്ള മറ്റ് ഡെലിവറി ഏജൻസികളിലെ ജീവനക്കാർക്കും ഉപയോഗിക്കാം. കൂടാതെ, തിരക്കേറിയ റൂട്ടുകളിൽ സഞ്ചരിക്കുന്ന വാനുകളിൽ സജ്ജീകരിച്ച ‘മൊബൈൽ ആശ്രയ്’ യൂണിറ്റുകളും ആമസോൺ പുറത്തിറക്കിയിട്ടുണ്ട്.
Amazon India is expanding its ‘Ashray’ initiative to 250 rest centres for delivery partners. Facilities include AC seating, water, and charging points, open to all delivery workers
