2027 സാമ്പത്തിക വർഷത്തിൽ അഞ്ച് പുതിയ കരുത്തൻ മോഡലുകൾ പുറത്തിറക്കിക്കൊണ്ട് വിപണിയിൽ വൻ മുന്നേറ്റത്തിനൊരുങ്ങുകയാണ് റോയൽ എൻഫീൽഡ്. ബുള്ളറ്റ് 650, ഹിമാലയൻ 440, കോണ്ടിനെന്റൽ ജിടി 750, ഹിമാലയൻ 750, സ്ക്രാം 450 എന്നീ അഞ്ച് പുത്തൻ ബൈക്കുകളാണ് ഈ വർഷം നിരത്തിലിറങ്ങാൻ തയ്യാറെടുക്കുന്നത്.
പുതിയ മോഡലുകൾക്ക് പുറമെ നിലവിലുള്ള 13 മോഡലുകൾ കാലോചിതമായ പരിഷ്കാരങ്ങളോടെ പുതുക്കി അവതരിപ്പിക്കാനും കമ്പനി പദ്ധതിയിടുന്നുണ്ട്. വാർഷിക ഉൽപ്പാദനം 13.2 ലക്ഷം യൂണിറ്റായി ഉയർത്താൻ ലക്ഷ്യമിടുന്ന കമ്പനി, ഇതിനായി ആന്ധ്രാപ്രദേശിൽ പുതിയ നിർമ്മാണ യൂണിറ്റ് സ്ഥാപിക്കാനുള്ള തയ്യാറെടുപ്പിലാണ്. ട്രയംഫ്, ഹോണ്ട, ഹാർലി ഡേവിഡ്സൺ തുടങ്ങിയ എതിരാളികളിൽ നിന്നുള്ള വെല്ലുവിളി നേരിടാൻ ഈ വൻ കുതിച്ചുചാട്ടത്തിലൂടെ റോയൽ എൻഫീൽഡിന് സാധിക്കുമെന്നാണ് വിലയിരുത്തൽ.
Royal Enfield is set for its biggest product offensive with 5 new motorcycles, including the Bullet 650 and the flagship Himalayan 750, launching in FY2027. Discover the brand’s plan for a new ₹2,200 Cr plant and 13 major updates.
