റോൾസ് റോയ്സും ഹിന്ദുസ്ഥാൻ എയറോനോട്ടിക്സ് ലിമിറ്റഡും (HAL) സംയുക്തമായി നടത്തുന്ന ഇന്റർനാഷണൽ എയ്റോസ്പേസ് മാനുഫാക്ചറിംഗ് പ്രൈവറ്റ് ലിമിറ്റഡ് (IAMPL), തമിഴ്നാട്ടിലെ ഹൊസൂരിൽ 12 ഏക്കറിലായി വിപുലീകരിച്ച പുതിയ നിർമ്മാണ കേന്ദ്രം തുറന്നു. ആഭ്യന്തര, അന്തർദേശീയ വിപണികളിലേക്കുള്ള അത്യാധുനിക ജെറ്റ് എൻജിൻ ഭാഗങ്ങൾ നിർമ്മിക്കുന്നതിനുള്ള പ്രധാന കേന്ദ്രമായി ഈ സംവിധാനം മാറുമെന്ന് കമ്പനി അറിയിച്ചു.
റോൾസ് റോയ്സ് ഇന്ത്യ എക്സിക്യൂട്ടീവ് വൈസ് പ്രസിഡന്റ് ശശി മുകുന്ദൻ, എച്ച്.എ.എൽ സിഎംഡി രവി എന്നിവരുടെ സാന്നിധ്യത്തിലാണ് പുതിയ കേന്ദ്രത്തിന്റെ ഉദ്ഘാടനം നടന്നത്. ഇന്ത്യയെ തങ്ങളുടെ തന്ത്രപ്രധാനമായ നിർമ്മാണ വിപണിയായി മാറ്റാനുള്ള ശ്രമങ്ങളുടെ ഭാഗമായാണ് റോൾസ് റോയ്സ് ഈ വിപുലീകരണത്തെ കാണുന്നത്. ആഗോള വിമാന വ്യവസായ ശൃംഖലയിൽ ഇന്ത്യയുടെ സ്വാധീനം വർദ്ധിപ്പിക്കാൻ ഈ സംയുക്ത സംരംഭം വലിയ പങ്കുവഹിക്കുമെന്ന് അധികൃതർ വ്യക്തമാക്കി.
Rolls-Royce and HAL (IAMPL) inaugurate a massive 12-acre expansion in Hosur, Tamil Nadu. This move aims to double production of jet engine parts under Make in India
