ഇന്ധനവിലക്കയറ്റം, ശമ്പള വർദ്ധനവ്, സുരക്ഷാ മാനദണ്ഡങ്ങൾ പാലിക്കുന്നതിനുള്ള ചിലവുകൾ എന്നിവ കാരണം പ്രവർത്തനച്ചിലവ് കുത്തനെ ഉയർന്ന പശ്ചാത്തലത്തിൽ എടിഎമ്മുകളിൽ പണം നിറയ്ക്കുന്നതിനുള്ള നിരക്ക് വർദ്ധിപ്പിക്കണമെന്ന് കാഷ് ലോജിസ്റ്റിക്സ് കമ്പനികൾ ബാങ്കുകളോട് ആവശ്യപ്പെട്ടു. ആഗോളതലത്തിലെ രാഷ്ട്രീയ അനിശ്ചിതത്വങ്ങൾ കാരണം ഇന്ധനവില ഉയരുന്നതും മറ്റും പ്രതിദിന കാഷ് വാൻ സർവീസുകളെ ബാധിക്കുന്നതിനാൽ, വരും മാസങ്ങളിൽ തങ്ങളുടെ പ്രവർത്തനച്ചിലവിൽ 15 മുതൽ 20 ശതമാനം വരെ വർദ്ധനവുണ്ടാകുമെന്ന് കമ്പനികൾ മുന്നറിയിപ്പ് നൽകുന്നു.
സി.എം.എസ് ഇൻഫോ സിസ്റ്റംസ്, എസ്.ഐ.എസ് പ്രോസെഗർ തുടങ്ങിയ പ്രമുഖ കമ്പനികൾ ഉൾപ്പെടുന്ന കറൻസി സൈക്കിൾ അസോസിയേഷൻ (CCA), തങ്ങൾ നേരിടുന്ന ഈ കടുത്ത സാമ്പത്തിക പ്രതിസന്ധി മറികടക്കാൻ അടിയന്തര നടപടികൾ സ്വീകരിക്കണമെന്ന് ആവശ്യപ്പെട്ട് ഇന്ത്യൻ ബാങ്ക്സ് അസോസിയേഷന് കത്തയച്ചിട്ടുണ്ട്. ബാങ്കുകൾ ഈ കാഷ് ലോജിസ്റ്റിക്സ് കമ്പനികൾക്ക് നൽകുന്ന ഫീസ് വർദ്ധിപ്പിക്കുകയാണെങ്കിൽ, ഉപഭോക്താക്കൾ മറ്റ് ബാങ്കുകളുടെ എടിഎമ്മുകൾ ഉപയോഗിക്കുമ്പോൾ ബാങ്കുകൾ പരസ്പരം ഈടാക്കുന്ന ‘എടിഎം ഇന്റർചേഞ്ച് ചാർജുകളിലും’ വരുംദിവസങ്ങളിൽ മാറ്റം വരുത്തേണ്ടി വരും.
“Cash logistics companies like CMS Info Systems and SIS Prosegur have approached the IBA seeking a 15-20% fee hike for ATM refills due to surging fuel costs and rising minimum wages.”
