പൊന്നാനി തുറമുഖത്ത് പൊതു-സ്വകാര്യ പങ്കാളിത്തത്തോടെ (PPP) 1000 കോടി രൂപ ചെലവിൽ പുതിയ കപ്പൽ നിർമ്മാണ ശാല വികസിപ്പിക്കുന്നതിനായി കേരള മാരിടൈം ബോർഡ് സ്വകാര്യ കമ്പനിയുമായി കരാർ ഒപ്പുവെച്ചു. കൊച്ചിക്ക് ശേഷം സംസ്ഥാനത്തെ രണ്ടാമത്തെ വലിയ കപ്പൽ നിർമ്മാണ ശാലയായി മാറുന്ന ഈ പദ്ധതി രണ്ട് ഘട്ടങ്ങളായാണ് പൂർത്തിയാക്കുക.
ആദ്യഘട്ടത്തിൽ 200 കോടി രൂപ നിക്ഷേപത്തിൽ ചെറുകിട യാത്രാ-ചരക്ക് കപ്പലുകളും, രണ്ടാം ഘട്ടത്തിൽ കൊച്ചിൻ ഷിപ്പ്യാർഡിന് സമാനമായി വലിയ കപ്പലുകളും നിർമ്മിക്കാനാണ് ലക്ഷ്യമിടുന്നത്. പദ്ധതിയുടെ ഭാഗമായി കപ്പൽ നിർമ്മാണ പരിശീലന കേന്ദ്രം കൂടി ആരംഭിക്കുന്നതോടെ, മലബാറിലെ ഈ ചരിത്രപ്രസിദ്ധമായ തുറമുഖം വലിയ മാരിടൈം ഹബ്ബായി മാറും.
A Rs 1,000 crore PPP shipyard project is set to transform Ponnani Port into Kerala’s second-largest shipbuilding hub after Kochi. The project includes shipbuilding facilities, maritime training, and major employment opportunities.
