സതേൺ റെയിൽവേയുടെ 2026 സാമ്പത്തിക വർഷത്തിലെ യാത്രാ സൗകര്യ വികസനത്തിൽ കേരളത്തെ മറികടന്ന് തമിഴ്‌നാടിന് വൻ നേട്ടം. ഈ കാലയളവിൽ 23 പുതിയ ട്രെയിൻ സർവീസുകളും കൂടുതൽ പുതിയ സ്റ്റേഷൻ സ്റ്റോപ്പുകളുമാണ് തമിഴ്‌നാടിന് അനുവദിച്ചിരിക്കുന്നത്. സതേൺ റെയിൽവേ സ്ഥിരമായി അനുവദിച്ച പുതിയ കോച്ചുകളിൽ 65 എണ്ണം തമിഴ്‌നാടിന് ലഭിച്ചപ്പോൾ കേരളത്തിന് 47 കോച്ചുകൾ മാത്രമാണ് ലഭിച്ചത്.
ചെന്നൈ-നാഗർകോവിൽ വന്ദേ ഭാരത് എക്സ്പ്രസിന്റെ കോച്ചുകളുടെ എണ്ണം 16ൽ നിന്ന് 20 ആയി ഉയർത്തിക്കൊണ്ട് പ്രീമിയം സർവീസുകൾക്കും തമിഴ്‌നാട്ടിൽ വലിയ മുൻഗണന നൽകിയിട്ടുണ്ട്. അതേസമയം, ദീർഘനാളത്തെ ആവശ്യത്തിനൊടുവിൽ അനുവദിച്ച ബെംഗളൂരു-എറണാകുളം വന്ദേ ഭാരത് എക്സ്പ്രസ് ഈ വർഷം കേരളത്തിനുള്ള പ്രധാന നേട്ടമായി മാറി. പുതിയ ട്രെയിനുകൾ, റൂട്ട് നീട്ടലുകൾ, ഉയർന്ന കോച്ച് വിഹിതം എന്നിവ വഴി സതേൺ റെയിൽവേയുടെ വികസന പദ്ധതികളുടെ ഏറ്റവും വലിയ ഗുണഭോക്താക്കളായി തമിഴ്‌നാട് മാറിയിരിക്കുകയാണ്.
Tamil Nadu has emerged as the biggest beneficiary of Southern Railway’s FY26 development plans, receiving 23 new train services, more station stops, and 65 new coaches, surpassing Kerala in rail infrastructure upgrades.
