യുഎസ്-ഇറാൻ സമാധാന കരാറിന്റെ ഭാഗമായി ആണവായുധങ്ങൾ ഒരിക്കലും നിർമ്മിക്കില്ലെന്ന് ഇറാൻ സമ്മതിച്ചതായി യുഎസ് പ്രസിഡന്റ് ഡൊണാൾഡ് ട്രംപ് വ്യക്തമാക്കി. കരാറിന്റെ ഭാഗമായി ഇറാന് യുഎസ് സാമ്പത്തിക സഹായം നൽകുമെന്ന വാർത്തകൾ തള്ളിയ ട്രംപ്, ഡെമോക്രാറ്റുകൾ പ്രചരിപ്പിക്കുന്ന വ്യാജ വാർത്തയാണിതെന്നും ട്രൂത്ത് സോഷ്യലിൽ കുറിച്ചു. ഇറാൻ സമാധാനപരമായ ആണവ പരിശോധനകളോട് സഹകരിക്കുന്നതിന് അനുസരിച്ചായിരിക്കും ഭാവിയിൽ അവർക്കുള്ള ഉപരോധങ്ങൾ നീക്കുന്നതെന്ന് മുതിർന്ന യുഎസ് ഉദ്യോഗസ്ഥർ വ്യക്തമാക്കിയിട്ടുണ്ട്.
ശത്രുത അവസാനിപ്പിക്കാനും ചർച്ചകൾ തുടരാനുമായി ഇരുരാജ്യങ്ങളും ഒപ്പുവെച്ച പ്രാഥമിക ധാരണാപത്രം ഹോർമുസ് കടലിടുക്ക് വഴിയുള്ള വാണിജ്യ കപ്പൽ ഗതാഗതം പുനരാരംഭിക്കാൻ സഹായിച്ചതായി ട്രംപ് സ്ഥിരീകരിച്ചു. ഇറാന് ആണവായുധങ്ങൾ ഇല്ലെന്ന് ഉറപ്പാക്കാൻ തങ്ങളുടെ ഭരണകൂടം പ്രതിജ്ഞാബദ്ധമാണെന്ന് യുഎസ് വൈസ് പ്രസിഡന്റ് ജെ.ഡി വാൻസും ആവർത്തിച്ചു. എന്നാൽ, സമാധാന കരാർ ഉണ്ടായാലും ഇല്ലെങ്കിലും ഇറാനെ ഒരിക്കലും ആണവായുധം നിർമ്മിക്കാൻ അനുവദിക്കില്ലെന്ന് ഇസ്രായേൽ പ്രധാനമന്ത്രി ബെന്യാമിൻ നെതന്യാഹു ഇതിനോട് പ്രതികരിച്ചു.
US President Donald Trump announced that Iran has agreed never to build nuclear weapons under a new peace framework, dismissing reports of US financial aid to Tehran.
