കഴിഞ്ഞ മൂന്ന് സാമ്പത്തിക വർഷങ്ങളിലെ മികച്ച ഭവന വിൽപ്പനയുടെ കരുത്തിൽ പ്രസ്റ്റീജ് എസ്റ്റേറ്റ്സ് പ്രൊജക്ട്സ് ലിമിറ്റഡിന് നിലവിൽ 65,000 കോടി രൂപയുടെ unrecognised revenue അക്കൗണ്ടിലുണ്ടെന്ന് ചെയർമാൻ ഇർഫാൻ റസാഖ് വ്യക്തമാക്കി. 2025-26 സാമ്പത്തിക വർഷത്തിൽ മുൻവർഷത്തെ അപേക്ഷിച്ച് 76 ശതമാനം വർദ്ധനവോടെ 30,024 കോടി രൂപയുടെ റെക്കോർഡ് ബുക്കിംഗ് ആണ് കമ്പനി സ്വന്തമാക്കിയത്.
റിയൽ എസ്റ്റേറ്റ് പദ്ധതികൾ പൂർണ്ണമായും പൂർത്തിയാകുമ്പോൾ മാത്രം വരുമാനം കണക്കാക്കുന്ന രീതിയാണ് കമ്പനി നിലവിൽ പിന്തുടരുന്നത് എന്നതിനാലാണ് ഇത്രയും വലിയ തുക അക്കൗണ്ടിൽ രേഖപ്പെടുത്താതെ കിടക്കുന്നത്. പശ്ചിമേഷ്യൻ പ്രതിസന്ധികൾക്കിടയിലും ഭവന മേഖലയിലെ മികച്ച ഡിമാൻഡ് മുൻനിർത്തി നടപ്പ് സാമ്പത്തിക വർഷത്തിൽ 35,000-36,000 കോടി രൂപയുടെ റെക്കോർഡ് ബുക്കിംഗും പുതിയ പ്രൊജക്ടുകളും കമ്പനി ലക്ഷ്യമിടുന്നുണ്ടെന്നും അദ്ദേഹം കൂട്ടിച്ചേർത്തു.
