ട്രെയിനുകളുടെ സമയകൃത്യത തത്സമയം നിരീക്ഷിക്കുന്നതിനും സർവീസുകളിലെ വൈകൽ ഒഴിവാക്കുന്നതിനുമായി ഇന്ത്യൻ റെയിൽവേ തങ്ങളുടെ ആദ്യ ഇന്റേർണൽ ആപ്ലിക്കേഷനായ ‘പങ്ച്വാലിറ്റി ബി.സെഡ്.എ’ (Punctuality BZA) പുറത്തിറക്കി. സൗത്ത് കോസ്റ്റ് റെയിൽവേയുടെ വിജയവാഡ ഡിവിഷൻ വികസിപ്പിച്ച ഈ ആൻഡ്രോയിഡ് ആപ്പ്, ട്രെയിനുകൾ 15 മിനിറ്റിൽ കൂടുതൽ വൈകിയാൽ ഉദ്യോഗസ്ഥർക്ക് ഉടനടി ഓട്ടോമേറ്റഡ് അറിയിപ്പുകൾ നൽകും.
പഴയ കമ്പ്യൂട്ടർ അധിഷ്ഠിത സിസ്റ്റങ്ങൾക്കും ഒ.ടി.പി ആവശ്യമുള്ള വെബ് പോർട്ടലുകൾക്കും പകരമായി റെയിൽവേ കൺട്രോളർമാർക്ക് എവിടെയിരുന്നും ഫോണിലൂടെ ട്രെയിൻ വിവരങ്ങൾ ലളിതമായി പരിശോധിക്കാൻ ഈ പുതിയ സംവിധാനം സഹായിക്കും. ട്രെയിനുകളുടെ റണ്ണിങ് വിവരങ്ങൾ തത്സമയം ലഭ്യമാകുന്നതിലൂടെ കൃത്യമായ സമയത്ത് തീരുമാനങ്ങളെടുക്കാനും റെയിൽവേ സർവീസുകളുടെ കാര്യക്ഷമത വലിയ തോതിൽ വർദ്ധിപ്പിക്കാനും ഈ ആപ്പിന് സാധിക്കും.
Indian Railways introduces ‘Punctuality BZA’, its first internal Android app developed by Vijayawada Division, to track train timing and prevent delays in real-time.
