ഇന്ത്യൻ സർക്കാരുമായി നിലനിൽക്കുന്ന തർക്കങ്ങൾക്കിടയിൽ യുഎസ് ടെക് ഭീമനായ മെറ്റ കൂടുതൽ പ്രതിസന്ധിയിലേക്ക് നീങ്ങുന്നതായി റിപ്പോർട്ടുകൾ. ഇൻസ്റ്റാഗ്രാമിൽ കുട്ടികൾക്കെതിരെയുള്ള ലൈംഗിക അതിക്രമങ്ങൾ (CSAM) പ്രോത്സാഹിപ്പിക്കുന്ന തരത്തിലുള്ള പരസ്യങ്ങൾ പ്രത്യക്ഷപ്പെട്ടതുമായി ബന്ധപ്പെട്ട് മെറ്റാ അധികൃതരെ നേരിട്ട് വിളിച്ചുവരുത്താൻ കേന്ദ്ര വിവരസാങ്കേതിക മന്ത്രി അശ്വിനി വൈഷ്ണവ് ഉദ്യോഗസ്ഥർക്ക് നിർദ്ദേശം നൽകി. ഈ ഗുരുതരമായ വിഷയത്തിൽ കമ്പനിയോട് മന്ത്രാലയം അടിയന്തര വിശദീകരണം തേടുമെന്നാണ് ഔദ്യോഗിക വൃത്തങ്ങൾ നൽകുന്ന സൂചന.
കഴിഞ്ഞ ഒരാഴ്ചയ്ക്കുള്ളിൽ രണ്ടാം തവണയാണ് കേന്ദ്ര സർക്കാർ മെറ്റയ്ക്കെതിരെ കർശനമായ നിലപാട് സ്വീകരിക്കുന്നത്. വാട്സാപ്പിൽ പുതുതായി അവതരിപ്പിക്കാൻ പോകുന്ന ‘യൂസർനെയിം’ ഫീച്ചർ ഓൺലൈൻ തട്ടിപ്പുകൾക്കും വ്യാജ വ്യക്തിത്വ ചമയലുകൾക്കും വഴിമാറുമെന്ന ആശങ്കയിൽ കേന്ദ്രം മെറ്റയ്ക്ക് നോട്ടീസ് അയച്ചിരുന്നു. ഈ വിഷയത്തിൽ സർക്കാർ ചർച്ചകൾ പൂർത്തിയാക്കുന്നതുവരെ ഫീച്ചറിന്റെ പ്രവർത്തനം നിർത്തിവെക്കണമെന്നും കേന്ദ്ര മന്ത്രാലയം ആവശ്യപ്പെട്ടിട്ടുണ്ട്
The Indian government has summoned Meta over Instagram ads promoting Child Sexual Abuse Material (CSAM). IT Minister Ashwini Vaishnaw demanded an urgent explanation.
