ലഡാക്കിലെ പരിസ്ഥിതി സൗഹൃദപരമായ വികസനത്തിനും വിദ്യാഭ്യാസ രംഗത്തെ സമഗ്രമായ മാറ്റങ്ങൾക്കും വേണ്ടി വിപ്ലവകരമായ മുന്നേറ്റങ്ങൾ നടത്തുന്ന വ്യക്തിയാണ് സോനം വാങ്ചുക്. ‘ത്രീ ഇഡിയറ്റ്സ്’ എന്ന സിനിമയിലെ ആമിർ ഖാൻ അവതരിപ്പിച്ച ‘ഫുൺസുക് വാങ്ഡു’ എന്ന കഥാപാത്രത്തിന് പ്രചോദനമായത് വാങ്ചുകിന്റെ യഥാർത്ഥ ജീവിതമാണ്. കാഠിന്യമേറിയ ഹിമാലയൻ പ്രതികൂല സാഹചര്യങ്ങളിൽ വിദ്യാഭ്യാസത്തെയും സാങ്കേതികവിദ്യയെയും സാധാരണക്കാർക്കായി മാറ്റിയെടുത്ത അദ്ദേഹത്തിന്റെ വിദ്യാഭ്യാസ യോഗ്യതകളും ജീവിത യാത്രയും ഏറെ ശ്രദ്ധേയമാണ്.
ചോദ്യപേപ്പർ ചോർച്ചയുമായി ബന്ധപ്പെട്ട് സോനം വാങ്ചുക് ഡെൽഹിയിൽ നടത്തിയ സമരത്തോടെ അദ്ദേഹത്തിൻെ വിദ്യാഭ്യാസ യോഗ്യതയും പശ്ചാത്തലവും സോഷ്യൽമീഡിയ ചർച്ച ചെയ്യുകയാണ്.
ചോദ്യപേപ്പർ ചോർച്ചാ വിവാദത്തിന്റെ പശ്ചാത്തലത്തിൽ, സമഗ്രമായ വിദ്യാഭ്യാസ പരിഷ്കാരങ്ങൾ നടപ്പിലാക്കുമെന്ന് കേന്ദ്ര സർക്കാർ രേഖാമൂലം ഉറപ്പ് നൽകിയതിനെത്തുടർന്ന് എഞ്ചിനീയറും വിദ്യാഭ്യാസ പരിഷ്കർത്താവുമായ സോനം വാങ്ചുക് വെള്ളിയാഴ്ച തന്റെ 26 ദിവസത്തെ നിരാഹാര സമരം അവസാനിപ്പിച്ചിരുന്നു. സർക്കാരുമായി ആഴ്ചകൾ നീണ്ട ചർച്ചകൾക്കൊടുവിൽ, കേന്ദ്രമന്ത്രിമാരായ ജെ.പി. നദ്ദ, ജിതേന്ദ്ര സിംഗ് എന്നിവരുടെ സാന്നിധ്യത്തിൽ ഗുരുഗ്രാമിലെ ആശുപത്രിയിൽ വെച്ചാണ് അദ്ദേഹം ഒരു വീഡിയോ സന്ദേശത്തിലൂടെ ഈ തീരുമാനം പ്രഖ്യാപിച്ചത്.
ആരാണ് സോനം വാങ്ചുക്?
ഭൗതികശാസ്ത്രത്തിലും സാങ്കേതികവിദ്യയിലുമുള്ള താല്പര്യം കാരണം അദ്ദേഹം ശ്രീനഗറിലെ എൻ.ഐ.ടിയിൽ (NIT Srinagar) നിന്ന് മെക്കാനിക്കൽ എഞ്ചിനീയറിംഗിൽ ബി.ടെക് (B.Tech) ബിരുദം നേടി. പിന്നീട് എഞ്ചിനീയറിംഗിനപ്പുറം ഭൂപ്രകൃതിക്കും പരിസ്ഥിതിക്കും അനുയോജ്യമായ നിർമ്മാണ രീതികളെക്കുറിച്ച് പഠിക്കാനായി ഫ്രാൻസിലെ ക്രാറ്റെറെ (CRAterre, France) ഇൻസ്റ്റിറ്റ്യൂട്ടിൽ നിന്ന് എർത്ത് ആർക്കിടെക്ചറിൽ (Earthen Architecture) ഉന്നത പഠനം പൂർത്തിയാക്കി.ഒമ്പതാം വയസ്സുവരെ സ്വന്തം ഗ്രാമത്തിൽ സ്കൂളുകൾ ഇല്ലാതിരുന്നതിനാൽ പ്രാഥമിക വിദ്യാഭ്യാസം വൈകിയാണ് ആരംഭിച്ചത്. ഭാഷാപരമായ പ്രതിസന്ധികളും പഠനകാലത്ത് അദ്ദേഹത്തിന് നേരിടേണ്ടി വന്നിട്ടുണ്ട്.
1988-ൽ ലഡാക്കിലെ പരമ്പരാഗത വിദ്യാഭ്യാസ രീതികളിൽ മാറ്റം വരുത്താനും പരീക്ഷകളിൽ പരാജയപ്പെടുന്ന കുട്ടികളെ പ്രോത്സാഹിപ്പിക്കാനുമായി Students’ Educational and Cultural Movement of Ladakh എന്ന പ്രസ്ഥാനം സ്ഥാപിച്ചു. വേനൽക്കാലത്തെ രൂക്ഷമായ കുടിവെള്ള ക്ഷാമം പരിഹരിക്കുന്നതിനായി നിർമ്മിച്ച കൃത്രിമ പനിനീർത്തുള്ളി ആകൃതിയിലുള്ള ‘ഐസ് സ്തൂപങ്ങൾ’ ലോകശ്രദ്ധ നേടി. മൈനസ് ഡിഗ്രി തണുപ്പിലും ചൂട് നിലനിർത്തുന്ന പരിസ്ഥിതി സൗഹൃദപരമായ സോളാർ ഹീറ്റഡ് മൺകെട്ടിടങ്ങൾ അദ്ദേഹം രൂപകൽപ്പന ചെയ്തു. വിദ്യാഭ്യാസം, പരിസ്ഥിതി, പ്രാദേശിക വികസനം എന്നീ മേഖലകളിലെ മികച്ച സംഭാവനകൾ പരിഗണിച്ച് 2018-ൽ അദ്ദേഹത്തിന് ഏഷ്യയിലെ നോബൽ സമ്മാനം എന്നറിയപ്പെടുന്ന റമോൺ മഗ്സാസെ അവാർഡ് (Ramon Magsaysay Award) ലഭിച്ചു.
കേവലം പുസ്തകത്താളുകളിൽ ഒതുങ്ങുന്ന പഠനരീതിക്ക് പകരം ജീവിതാനുഭവങ്ങളിലൂടെയും പ്രായോഗിക രീതികളിലൂടെയും കുട്ടികൾ പഠിപ്പിക്കണമെന്ന് വാങ്ചുക് വാദിക്കുന്നു. ലഡാക്കിന്റെ പാരിസ്ഥിതിക സംരക്ഷണത്തിനും ഭരണഘടനാപരമായ അവകാശങ്ങൾക്കും വേണ്ടി ഇപ്പോഴും മുന്നണിയിൽ നിന്ന് വാങ്ചുക് പോരാടുന്നുണ്ട്.
Sonam Wangchuk is a prominent educational reformer and engineer from Ladakh who inspired the character ‘Phunsukh Wangdu’ in the movie 3 Idiots. He is widely known for leading revolutionary movements for eco-friendly development and comprehensive educational reforms in Ladakh. In 1988, he founded the Students’ Educational and Cultural Movement of Ladakh (SECMOL) to reform traditional education systems and encourage students who had failed standard exams.
