തമിഴ്നാട്ടിലെ തൂത്തുക്കുടി ജില്ലയിലെ കുലശേഖരപട്ടണത്ത് നിർമ്മാണത്തിലിരിക്കുന്ന 950 കോടി രൂപയുടെ ചെറിയ ഉപഗ്രഹ വിക്ഷേപണ സമുച്ചയത്തിന്റെ (SLC) നടത്തിപ്പും പരിപാലനവും സ്വകാര്യ കമ്പനിക്ക് കൈമാറാൻ കേന്ദ്ര സർക്കാർ ഒരുങ്ങുന്നു. ഇന്ത്യയുടെ ബഹിരാകാശ മേഖലയിലെ അടിസ്ഥാന സൗകര്യങ്ങൾ വാണിജ്യ ആവശ്യങ്ങൾക്കായി തുറന്നുകൊടുക്കുന്നതിന്റെ ഭാഗമായി, ഇന്ത്യൻ നാഷണൽ സ്പേസ് പ്രൊമോഷൻ ആൻഡ് ഓതറൈസേഷൻ സെന്ററാണ് (IN-SPACe) ഇതിനായുള്ള താൽപര്യപത്രങ്ങൾ ക്ഷണിച്ചത്.
ശ്രീഹരിക്കോട്ടയിൽ നിന്നുള്ള വിക്ഷേപണങ്ങളിൽ നിന്ന് വ്യത്യസ്തമായി, ഇന്ധന ഉപഭോഗം കുറയ്ക്കാനും കൂടുതൽ ഭാരം വഹിക്കാനും സഹായിക്കുന്ന തരത്തിലുള്ള കുലശേഖരപട്ടണം ബഹിരാകാശ നിലയത്തിന്റെ പ്രവർത്തനം പൂർണ്ണമായും സ്വകാര്യ പങ്കാളിത്തത്തിലേക്ക് മാറ്റാനാണ് നീക്കം. നിശ്ചിത മാനദണ്ഡങ്ങൾ പാലിക്കുന്ന തദ്ദേശീയ സ്വകാര്യ കമ്പനികൾക്കാണ് ഇതിനുള്ള അവസരം ലഭിക്കുക. ഐ.എസ്.ആർ.ഒയുടെ സാങ്കേതിക പിന്തുണയോടെ പ്രവർത്തിക്കുന്ന ഈ പുതിയ സമുച്ചയം രാജ്യത്തെ സ്വകാര്യ റോക്കറ്റ് നിർമ്മാതാക്കൾക്കും നേട്ടമായി മാറും.
IN-SPACe invites expressions of interest to hand over the management and operations of ISRO’s ₹950-crore Kulasekarapattinam spaceport to private players
