പൊതു-സ്വകാര്യ പങ്കാളിത്തത്തിൽ ഇതുവരെ പിന്നോക്കം നിന്നിരുന്ന റെയിൽവേ മന്ത്രാലയം, സ്വകാര്യ പങ്കാളിത്തത്തോടെ 1.8 ലക്ഷം കോടി രൂപയുടെ 54 പദ്ധതികളാണ് പുതിയതായി തയ്യാറാക്കിയിരിക്കുന്നത്. ഇതിൽ പകുതിയോളം പദ്ധതികളും പുതിയ റെയിൽവേ ട്രാക്കുകൾ നിർമ്മിക്കുന്നതിനായാണ് മാറ്റിവെച്ചിരിക്കുന്നത്. റെയിൽവേയുടെ പ്രവർത്തനങ്ങളിൽ സ്വകാര്യവൽക്കരണത്തോട് മുൻകാലങ്ങളിൽ ഉണ്ടായിരുന്ന പിന്നോക്കത്തെ തുടർന്ന് നിക്ഷേപങ്ങൾ പരിമിതപ്പെട്ടിരുന്ന സാഹചര്യത്തിലാണ് പുതിയ മാറ്റങ്ങൾ.
ഈ പദ്ധതികൾ നടപ്പിലാക്കുന്നതിനായി ‘ഡെവലപ്‌മെന്റ് പാർട്ണർ മോഡൽ’, ‘ഹൈബ്രിഡ് ആനുവിറ്റി മോഡൽ’ (HAM) എന്നീ രണ്ട് പുതിയ പി.പി.പി മാതൃകകൾ കൂടി റെയിൽവേ ഉൾപ്പെടുത്തിയിട്ടുണ്ട്. പാർലമെന്ററി സ്റ്റാൻഡിങ് കമ്മിറ്റിയെയാണ് റെയിൽവേ മന്ത്രാലയം ഇക്കാര്യം ഔദ്യോഗികമായി അറിയിച്ചത്. ഈ നീക്കം രാജ്യത്തെ റെയിൽവേ അടിസ്ഥാന സൗകര്യ വികസനത്തിൽ വലിയ മുന്നേറ്റമുണ്ടാക്കുമെന്നാണ് വിലയിരുത്തപ്പെടുന്നത്.
Indian Railways readies 54 PPP projects worth ₹1.8 lakh crore to boost rail infrastructure, introducing HAM and Development Partner models for track construction.
