മധുരയിൽ ജനിച്ച് ചെന്നൈയിലെ സാധാരണ കുടുംബത്തിൽ വളർന്ന ഗൂഗിൾ സിഇഒ സുന്ദർ പിച്ചൈയുടെ വിജയയാത്രയ്ക്ക് അടിത്തറ പാകിയത് അദ്ദേഹത്തിന്റെ മികച്ച വിദ്യാഭ്യാസ പശ്ചാത്തലമാണ്. ചെന്നൈയിലെ സ്കൂൾ പഠനകാലത്ത് തന്നെ ഗണിതത്തിലും ശാസ്ത്രത്തിലും മികവ് പുലർത്തിയിരുന്ന അദ്ദേഹം പിന്നീട് ഖരഗ്പൂർ ഐ.ഐ.ടിയിൽ നിന്ന് മെറ്റലർജിക്കൽ എൻജിനീയറിങ്ങിൽ ബി.ടെക് ബിരുദം സ്വന്തമാക്കി.
ഉപരിപഠനത്തിനായി അമേരിക്കയിലേക്ക് പോയ അദ്ദേഹം സ്റ്റാൻഫോർഡ് സർവകലാശാലയിൽ നിന്ന് മെറ്റിരിയൽസ് സയൻസിൽ ബിരുദാനന്തര ബിരുദവും നേടി. കുടുംബത്തിന്റെ വാർഷിക വരുമാനത്തേക്കാൾ കൂടിയ തുക മുടക്കിയാണ് അന്ന് പിതാവ് അദ്ദേഹത്തിന്റെ വിമാന ടിക്കറ്റ് എടുത്തത് എന്നതും ഈ വിജയത്തിന് പിന്നിലെ ത്യാഗത്തിൻ്റെ കഥയാണ്.
തുടർന്ന് പെൻസിൽവാനിയ സർവകലാശാലയിലെ വാർട്ടൺ സ്കൂളിൽ നിന്ന് എം.ബി.എ പൂർത്തിയാക്കിയ അദ്ദേഹം പാൽമർ സ്കോളറും കരസ്ഥമാക്കി. മികച്ച ഈ സാങ്കേതിക, മാനേജ്മെന്റ് വിദ്യാഭ്യാസ യോഗ്യതകളാണ് അദ്ദേഹത്തെ 2004ൽ ഗൂഗിളിൽ എത്തിക്കുകയും പിന്നീട് ആഗോള കമ്പനിയുടെ സിഇഒ പദവിയിലേക്ക് ഉയർത്തുകയും ചെയ്തത്.
Discover Sundar Pichai’s educational background, from IIT Kharagpur and Stanford to Wharton School, which paved his way to becoming CEO of Google and Alphabet.
