റെയിൽവേ ടിക്കറ്റ് റീസെല്ലിങ്ങിലെ അനധികൃത ഇടപാടുകളും തട്ടിപ്പുകളും തടയുന്നതിന്റെ ഭാഗമായി കർശന നടപടികളുമായി IRCTC. ഇതിന്റെ ഭാഗമായി വ്യാജ ഐഡികളും കൂട്ടത്തോടെ ടിക്കറ്റ് ബുക്ക് ചെയ്ത് ഉയർന്ന വിലയ്ക്ക് മറിച്ചുവിൽക്കുന്ന ഏജന്റുമാരുടെ 3.04 കോടിയിലധികം യൂസർ ഐഡികൾ ഐ.ആർ.സി.ടി.സി റദ്ദാക്കി. സംശയാസ്പദമായ പ്രവർത്തനങ്ങൾ കണ്ടെത്തിയതിനെ തുടർന്ന് 6.33 കോടി ഐഡികൾ താൽക്കാലികമായി സസ്പെൻഡ് ചെയ്യുകയും ചെയ്തിട്ടുണ്ട്.
വ്യാജ അക്കൗണ്ടുകൾ ഉപയോഗിച്ച് ടിക്കറ്റുകൾ ശേഖരിച്ച് യഥാർത്ഥ യാത്രക്കാർക്ക് ബുക്കിംഗ് ലഭ്യമല്ലാതാക്കുന്ന അനധികൃത പ്രവണതകൾ ഇല്ലാതാക്കുകയാണ് ഈ നടപടിയുടെ പ്രധാന ലക്ഷ്യം. സസ്പെൻഡ് ചെയ്യപ്പെട്ട അക്കൗണ്ടുകൾ വീണ്ടും പ്രവർത്തനക്ഷമമാക്കാൻ ഉപയോക്താക്കൾ തങ്ങളുടെ വിവരങ്ങളുടെ ആധികാരികത പരിശോധിച്ചുറപ്പിക്കേണ്ടതുണ്ട്. യഥാർത്ഥ യാത്രക്കാർക്ക് സുതാര്യവും നീതിയുക്തവുമായ രീതിയിൽ റിസർവേഷൻ സൗകര്യം ഉറപ്പാക്കുന്നതിന്റെ ഭാഗമായാണ് ഈ റെഗുലേറ്ററി നടപടികൾ നടപ്പിലാക്കിയിരിക്കുന്നത്.
IRCTC deactivates over 3 crore user IDs and suspends 6.33 crore accounts to curb ticket touts and ensure fair reservation access for genuine passengers.
