സൈനികർക്ക് ഉയർന്ന ഗുണനിലവാരമുള്ള റേഷൻ ഉറപ്പാക്കുന്നതിനായി ഇന്ത്യൻ സൈന്യം ‘ഭാരത് റൈസ്’ (Bharat Rice) വിതരണം ആരംഭിച്ചു. ഇതിനോടൊപ്പം അടിയന്തര സാഹചര്യങ്ങളിൽ ഫുഡ് കോർപ്പറേഷൻ ഓഫ് ഇന്ത്യയുടെ (FCI) സംഭരണശാലകളും സൗകര്യങ്ങളും ഉപയോഗിക്കുന്നതിനായി അഞ്ചു വർഷത്തെ കരാറിലും സൈന്യം ഒപ്പുവെച്ചു.
ന്യൂഡൽഹിയിൽ നടന്ന ചടങ്ങിൽ പ്രതിരോധ മന്ത്രി രാജ്‌നാഥ് സിംഗും കേന്ദ്രമന്ത്രി പ്രഹ്ലാദ് ജോഷിയും പങ്കെടുത്തു. സൈന്യത്തിന്റെയും നാഫെഡിന്റെയും (NAFED) സഹകരണത്തോടെ തയ്യാറാക്കുന്ന റേഷൻ, സൈനികരുടെ ആവശ്യാനുസരണം ഗുണനിലവാര പരിശോധനകൾ പൂർത്തിയാക്കി നേരിട്ട് സപ്ലൈ ഡിപ്പോകളിലെത്തിക്കും.
ലഡാക്ക് ഉൾപ്പെടെയുള്ള അതിർത്തി പ്രദേശങ്ങളിലേക്ക് എളുപ്പത്തിൽ എത്തിക്കുന്നതിനായി 10 കിലോഗ്രാം, 30 കിലോഗ്രാം പാക്കറ്റുകളിലാണ് അരി ലഭ്യമാക്കുന്നത്. അടിസ്ഥാന സൗകര്യങ്ങൾ പരമാവധി പ്രയോജനപ്പെടുത്തി സൈന്യത്തിന്റെ സജ്ജതയും കരുത്തും വർധിപ്പിക്കാൻ ഈ നീക്കം സഹായിക്കുമെന്ന് മന്ത്രി രാജ്‌നാഥ് സിംഗ് വ്യക്തമാക്കി.
Indian Army partners with FCI in a 5-year agreement to supply ‘Bharat Rice’ in 10kg and 30kg packs, ensuring quality rations for troops in border areas like Ladakh.
