രാജ്യത്തെ റോഡ് നിർമ്മാണ മേഖലയിൽ ജപ്പാനുമായി സഹകരണം ശക്തമാക്കാൻ കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരി ചർച്ചകൾ നടത്തി. റോഡ് ഗതാഗത മേഖലയിലെ ഇന്ത്യ-ജപ്പാൻ സംയുക്ത വർക്കിംഗ് ഗ്രൂപ്പിന്റെ 12-ാമത് യോഗത്തിലാണ് ഇരുരാജ്യങ്ങളും തമ്മിൽ നിർണ്ണായക ചർച്ചകൾ നടന്നത്.
രാജ്യത്തിന്റെ സാമ്പത്തിക വളർച്ചയ്ക്കും ജനങ്ങളുടെ ജീവിതനിലവാരം ഉയർത്തുന്നതിനും ആധുനികവും സുരക്ഷിതവുമായ റോഡുകൾ അത്യാവശ്യമാണെന്ന് മന്ത്രി പറഞ്ഞു. നൂതന നിർമ്മാണ സാങ്കേതികവിദ്യകൾ, ടണൽ-പാലങ്ങളുടെ എൻജിനീയറിങ്, ഡിജിറ്റൽ റോഡ് മാനേജ്‌മെന്റ് എന്നിവയാണ് യോഗത്തിൽ പ്രധാനമായും ചർച്ച ചെയ്തത്.
ഇന്ത്യയുടെ ‘വികസിത് ഭാരത് @2047’ ലക്ഷ്യവുമായി പൊരുത്തപ്പെടുന്ന രീതിയിലാണ് ഈ റോഡ് അടിസ്ഥാന സൗകര്യ വികസനം വിഭാവനം ചെയ്തിരിക്കുന്നത്. സാങ്കേതിക വൈദഗ്ധ്യവും മികച്ച രീതികളും പരസ്പരം കൈമാറുന്നതിലൂടെ റോഡ് ശൃംഖലയുടെ കാര്യക്ഷമതയും സുരക്ഷയും വർദ്ധിപ്പിക്കാൻ സാധിക്കുമെന്ന് യോഗം വിലയിരുത്തി
India partners with Japan to upgrade national road infrastructure using advanced Japanese technology, digital road management, and modern engineering under Viksit Bharat @2047.
