പൂർണ്ണമായും ഇന്ത്യയിൽ രൂപകൽപ്പന ചെയ്ത്, നിർമ്മിച്ച്, സ്വന്തം ബ്രാൻഡിൽ പുറത്തിറക്കുന്ന ആദ്യ മൊബൈൽ ഫോൺ 2028 ഒക്ടോബറോടെ യാഥാർത്ഥ്യമാകുമെന്ന് കേന്ദ്ര മന്ത്രി അശ്വിനി വൈഷ്ണവ് വ്യക്തമാക്കി. റേഡിയോ ഫ്രീക്വൻസി കമ്മ്യൂണിക്കേഷൻ സിസ്റ്റങ്ങൾ, പ്രൊസസറുകൾ, ക്യാമറ മൊഡ്യൂളുകൾ തുടങ്ങി നിരവധി ഘടകങ്ങൾ ചെറിയൊരു രൂപത്തിൽ സംയോജിപ്പിക്കുന്നതിനാൽ മൊബൈൽ ഫോൺ നിർമ്മാണം അതീവ സങ്കീർണ്ണമാണെന്ന് അദ്ദേഹം പറഞ്ഞു.
ഭാരം, വൈദ്യുതി ഉപഭോഗം, പ്രകടനം എന്നിവ കൃത്യമായി തുലനം ചെയ്ത് ഇത്രയധികം ഘടകങ്ങൾ പരിമിതമായ സ്ഥലത്ത് ഉൾക്കൊള്ളിക്കുക എന്നത് വെല്ലുവിളിയാണെന്നും മന്ത്രി കൂട്ടിച്ചേർത്തു. ഇന്ത്യൻ ഡിസൈനർമാർ വികസിപ്പിച്ചെടുത്ത പ്രിന്റഡ് സർക്യൂട്ട് ബോർഡ് (PCB) ഡിസൈൻ അമേരിക്കയിലെ പ്രമുഖ ടെലികോം സേവനദാദാക്കൾ തിരഞ്ഞെടുത്തിട്ടുണ്ടെന്നും, ഈ സാങ്കേതിക ശേഷിയാണ് ഇന്ത്യൻ ഫോൺ ബ്രാൻഡിന് അടിത്തറയാകുന്നതെന്നും അദ്ദേഹം വ്യക്തമാക്കി. ‘മേക്ക് ഇൻ ഇന്ത്യ’ പദ്ധതിയിലൂടെ ആഭ്യന്തര ഡിസൈൻ ശേഷി ശക്തിപ്പെടുത്താനും ആഗോള ഇലക്ട്രോണിക്സ് രംഗത്ത് ഇന്ത്യയുടെ പങ്ക് വിപുലീകരിക്കാനും സർക്കാർ ലക്ഷ്യമിടുന്നുണ്ടെന്നും മന്ത്രി പറഞ്ഞു.
Union Minister Ashwini Vaishnaw announced that India’s first fully indigenous designed, manufactured, and branded mobile phone will be launched by October 2028
