ആഗോള ആൾട്ടർനേറ്റീവ് അസറ്റ് മാനേജ്‌മെന്റ് ഭീമനായ ബ്ലാക്ക്‌സ്റ്റോൺ (Blackstone) ഇന്ത്യയിലെ തങ്ങളുടെ രണ്ടാമത്തെ ഓഫീസ് ബെംഗളൂരുവിൽ പ്രവർത്തനസജ്ജമാക്കി. കിഴക്കൻ ബെംഗളൂരുവിലെ ബെല്ലന്ദൂരിലുള്ള ‘പ്രെസ്റ്റീജ് ലേക്ക്‌ഷോർ ഡ്രൈവി’ലാണ് കമ്പനിയുടെ പുതിയ ഓഫീസ് സ്ഥിതി ചെയ്യുന്നത്.
ബ്ലാക്ക്‌സ്റ്റോൺ റിയൽ എസ്റ്റേറ്റും പ്രെസ്റ്റീജ് ഗ്രൂപ്പും സംയുക്തമായി ഉടമസ്ഥത വഹിക്കുന്ന ഈ സമുച്ചയം പ്രമുഖ ധനകാര്യ, സാങ്കേതിക സ്ഥാപനങ്ങളുടെ കേന്ദ്രം കൂടിയാണ്. കമ്പനിയുടെ കോർപ്പറേറ്റ് പ്രവർത്തനങ്ങളും പ്രൊഫഷണൽ സർവീസ് പങ്കാളിത്തങ്ങളും ഏകോപിപ്പിക്കുന്ന ‘ഗ്ലോബൽ കപ്പബിലിറ്റി സെന്റർ’ (GCC) ആയിട്ടായിരിക്കും ഈ ഓഫീസ് പ്രവർത്തിക്കുക.
ബ്ലാക്ക്‌സ്റ്റോൺ ക്രെഡിറ്റ് & ഇൻഷുറൻസ് സീനിയർ മാനേജിംഗ് ഡയറക്ടർ സൂസൻ യംഗ് ആണ് ബെംഗളൂരു കേന്ദ്രത്തിന്റെ പ്രവർത്തനങ്ങൾക്ക് നേതൃത്വം നൽകുന്നത്. അതേസമയം, കമ്പനിയുടെ നിക്ഷേപ സംബന്ധമായ പ്രധാന പ്രവർത്തനങ്ങൾ ഇന്ത്യയിലെ ആസ്ഥാനമായ മുംബൈയിൽ തന്നെ തുടരും. കഴിഞ്ഞ രണ്ട് പതിറ്റാണ്ടായി ഇന്ത്യയിൽ സജീവമായ ബ്ലാക്ക്‌സ്റ്റോൺ, രാജ്യത്തെ ഏറ്റവും വലിയ റിയൽ എസ്റ്റേറ്റ്, പ്രൈവറ്റ് ഇക്വിറ്റി നിക്ഷേപകരിൽ ഒന്നാണ്
Global investment giant Blackstone opens its second office in India at Bellandur, Bengaluru, establishing a Global Capability Centre to manage corporate operations.
