ലോക ക്രിക്കറ്റ് കണ്ട എക്കാലത്തെയും മികച്ച താരമാണ് ഇതിഹാസ താരം സച്ചിൻ ടെൻഡുൽക്കർ. 2013ൽ അദ്ദേഹം അന്താരാഷ്ട്ര ക്രിക്കറ്റിൽ നിന്ന് വിരമിച്ചെങ്കിലും താരത്തെ കുറിച്ചുള്ള വാർത്തകൾക്ക് ഇന്നും ആരാധകർ കാതോർത്തിരിക്കുന്നു. സമ്പത്തിലും ഏറെ മുന്നിലുള്ള താരത്തിന്റെ ആസ്തി 1250 കോടിയാണ്. വലിയ വാഹനപ്രേമി കൂടിയായ സച്ചിന്റെ ഗാരേജിൽ നിരവധി ആഢംബര കാറുകളുമുണ്ട്. ഇപ്പോൾ അക്കൂട്ടത്തിലേക്ക് പുതിയൊരു അതിഥിയെക്കൂടി ചേർത്തിരിക്കുകയാണ് താരം. ബിഎംഡബ്ല്യു M 340i ലക്ഷ്വറി സെഡാനാണ് സച്ചിന്റെ ഗാരേജിലെ പുതിയ താരം.
ചുവപ്പ് നിറമുള്ള പുതിയ ആഢംബര കാറിൽ സച്ചിൻ എയർപോർട്ടിലേക്ക് വരുന്ന വീഡിയോ സമൂഹമാധ്യമങ്ങളിൽ നിറഞ്ഞിരുന്നു. 3.0 ലിറ്റർ B58 6 സിലിണ്ടർ ടർബോ പെട്രോൾ എഞ്ചിനാണ് ബിഎംഡബ്ല്യു M340i ലക്ഷ്വറി കാറിന്റെ സവിശേഷത. വെറും 4.4 സെക്കൻഡിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ കഴിയുന്ന കാറാണിത്. 4.71 മീറ്റർ നീളമുള്ള സെഡാനിന്റെ ഉൾവശം ആഢംബരങ്ങളാൽ സമ്പന്നമാണ്. 74.90 ലക്ഷം രൂപ എക്സ് ഷോറൂം വില വരുന്ന വാഹനത്തിന്റെ ഓൺറോഡ് വില ഒരു കോടിക്ക് അടുത്ത് വരും.
ആഢംബര കാറുകളുടെ വൻ ശേഖരമാണ് സച്ചിൻ ടെൻഡുൽക്കറിന്റെ പക്കലുള്ളത്. M 340iക്ക് പുറമേ 7 സീരീസ്, i8 എന്നീ ബിഎംഡബ്ല്യുകളും അദ്ദേഹത്തിന്റെ പക്കലുണ്ട്. ലംബോർഗിനി ഉറൂസ്, മെഴ്സിഡീസ് ബെൻസ് CLA എഎംജി, പോർഷെ കായേൻ ടർബോ ജിടി, ഫെറാരി 360, ടൊയോട്ട ഫോർച്യൂണർ, നിസാൻ GT-R തുടങ്ങിയവയാണ് സച്ചിന്റെ ഗാരേജിലെ മറ്റ് പ്രധാന ആഢംബര വാഹനങ്ങൾ.
Cricket legend Sachin Tendulkar adds the stunning BMW M340i LCI xDrive Shadow to his luxury car collection. Learn more about his passion for high-performance vehicles and his long-standing BMW affiliation.
