ഇന്തോ-പസഫിക് മേഖലയിലെ സുരക്ഷാ സഹകരണം ശക്തമാക്കുന്നതിന്റെ ഭാഗമായി നെതർലൻഡ്സ് നാവികസേനയുടെ യുദ്ധക്കപ്പലായ എച്ച്.എൻ.എൽ.എം.എസ് ഡി റൂയിറ്റർ (HNLMS De Ruyter) കൊച്ചിയിലെത്തി. മെയ് 4-ന് കൊച്ചി തുറമുഖത്തെത്തിയ കപ്പലിന് ഇന്ത്യൻ നാവികസേനയുടെ നേതൃത്വത്തിൽ ആചാരപരമായ സ്വീകരണമാണ് നൽകിയത്.
അഞ്ച് മാസത്തെ സമുദ്ര പര്യടനത്തിന്റെ ഭാഗമായി എത്തിയ ഡച്ച് പ്രതിനിധി സംഘം സതേൺ നേവൽ കമാൻഡിലെ ഉന്നത ഉദ്യോഗസ്ഥരുമായി കൂടിക്കാഴ്ച നടത്തുകയും നാവിക പരിശീലനം, സാങ്കേതിക കൈമാറ്റം എന്നിവയിൽ ചർച്ചകൾ നടത്തുകയും ചെയ്തു. കൊച്ചിൻ ഷിപ്പ്യാർഡ് സന്ദർശിക്കുന്ന സംഘം കപ്പൽ നിർമ്മാണ മേഖലയിലെ സഹകരണ സാധ്യതകളും പരിശോധിക്കും. സന്ദർശനം പൂർത്തിയാക്കി മടങ്ങുന്ന കപ്പൽ ഇന്ത്യൻ നാവികസേനയുമായി ചേർന്ന് സംയുക്ത അഭ്യാസപ്രകടനമായ ‘പാസേജ് എക്സസൈസിൽ’ (PASSEX) പങ്കുചേരും.
The Dutch frigate HNLMS De Ruyter arrived in Kochi on May 4, 2026. The visit aims to strengthen Indo-Pacific security through joint drills (PASSEX) and technical exchanges with the Indian Navy
