‘ഫോർബ്സ് 30 അണ്ടർ 30 ഏഷ്യ’ സംരംഭക പട്ടികയിൽ ഇടം നേടി മലയാളി ഫൗണ്ടർ നൗറീൻ ആയിഷ. കൊച്ചി ആസ്ഥാനമായ സ്റ്റാർട്ടപ്പ് ഫെമിസേഫ് സഹസ്ഥാപകയായ നൗറീൻ പട്ടികയിൽ ‘സോഷ്യൽ ഇംപാക്ട്’ വിഭാഗത്തിലാണ് ഇടംപിടിച്ചത്. ആർത്തവ സംരക്ഷണം, സ്ത്രീകളുടെ വെൽനസ്, ഗ്രൂമിങ് തുടങ്ങിയ മേഖലകളിലെ ഉൽപന്നങ്ങൾ വിപണിയിലെത്തിക്കുന്ന സംരംഭമാണ് ഫെമിസേഫ്. കഴിഞ്ഞ വർഷം മാർച്ചിൽ മൂന്നു കോടി രൂപയുടെ സീഡ് നിക്ഷേപവും ഫെമിസേഫ് സ്വന്തമാക്കിയിരുന്നു.
2020ലാണ് മെൻസ്ട്രൽ കപ്പ് പോലുള്ള ഉൽപന്നങ്ങളുമായി ഫെമിസേഫ് ആരംഭിച്ചത്. പിന്നീട് വിവിധ വെൽനസ് ഉൽപന്നങ്ങളും രംഗത്തിറക്കി. സ്ത്രീകൾ അനുഭവിക്കുന്ന നിരവധി പ്രശ്നങ്ങൾക്കുള്ള ശാസ്ത്രീയവും സുരക്ഷിതവുമായ പരിഹാരമാണ് ഇന്ന് ഫെമിസേഫിന്റെ മുഖമുദ്ര. അംഗീകാരം അപ്രതീക്ഷിതമാണെന്നും വലിയ സന്തോഷമുണ്ടെന്നും നൗറീൻ പ്രതികരിച്ചു.
FemiSafe co-founder Noureen Aisha features in the prestigious Forbes 30 Under 30 Asia list in the Social Impact category for her work in women’s menstrual wellness.
