കേരളത്തിൽ ആണവനിലയം സ്ഥാപിക്കാനുള്ള സർക്കാരിന്റെ നീക്കത്തിനെതിരെ ശക്തമായ പ്രക്ഷോഭം നടത്തുമെന്ന് പ്രതിപക്ഷ നേതാവ് പിണറായി വിജയൻ മുന്നറിയിപ്പ് നൽകി. കാസർകോട് ചീമേനിയിൽ ആണവനിലയം സ്ഥാപിക്കുന്നത് ദീർഘകാല പരിഹാരമെന്ന വൈദ്യുതി മന്ത്രി സണ്ണി ജോസഫിന്റെ പ്രസ്താവനയോട് പ്രതികരിക്കുകയായിരുന്നു അദ്ദേഹം. ആണവനിലയം സ്ഥാപിച്ചാൽ പ്രതിപക്ഷം വലിയ തോതിലുള്ള എതിർപ്പുമായി തെരുവിലിറങ്ങുമെന്ന് അദ്ദേഹം വ്യക്തമാക്കി.
സംസ്ഥാനത്തെ നിലവിലെ വൈദ്യുതി പ്രതിസന്ധി നേരിടുന്നതിൽ സർക്കാർ പരാജയപ്പെട്ടെന്നും, മുൻകരുതൽ നടപടികൾ സ്വീകരിക്കുന്നതിൽ വലിയ വീഴ്ചയാണ് ഉണ്ടായതെന്നും പിണറായി കുറ്റപ്പെടുത്തി. തങ്ങളുടെ ഭരണകാലത്ത് ആഭ്യന്തര വൈദ്യുതി ഉൽപ്പാദന ശേഷി 2,091 മെഗാവാട്ട് വർദ്ധിപ്പിക്കാൻ സാധിച്ചിരുന്നുവെന്ന് അവകാശപ്പെട്ട അദ്ദേഹം, ആണവ പദ്ധതിയല്ല, മറിച്ച് മറ്റ് മാർഗ്ഗങ്ങളിലൂടെയാണ് വൈദ്യുതി മേഖലയെ ശക്തിപ്പെടുത്തേണ്ടതെന്നും ഓർമ്മിപ്പിച്ചു. അനാവശ്യമായ ഇത്തരം പരീക്ഷണങ്ങൾക്ക് മുതിരാതെ, ദീർഘവീക്ഷണത്തോടെ വൈദ്യുതി മേഖലയിൽ മുൻകരുതൽ നടപടികൾ സ്വീകരിക്കാൻ സർക്കാർ തയ്യാറാകണമെന്നും അദ്ദേഹം ആവശ്യപ്പെട്ടു.
Opposition leader Pinarayi Vijayan strongly opposes the Kerala government’s proposed nuclear power plant at Cheemeni, Kasaragod, warning of massive protests.
