ഓണക്കാലത്തെ വിലക്കയറ്റം പിടിച്ചുനിർത്താനും വിപണിയിൽ ശക്തമായ ഇടപെടൽ നടത്താനും പദ്ധതിയുമായി സപ്ലൈകോ. 24 മണിക്കൂറും പ്രവർത്തിക്കുന്ന സപ്ലൈകോ കൺവീനിയൻസ് ഔട്ട്ലെറ്റുകൾ ആരംഭിക്കാനും മൂന്ന് പ്രത്യേക ഓണ കിറ്റുകൾ പുറത്തിറക്കാനും സപ്ലൈകോ തീരുമാനിച്ചു.
സംസ്ഥാനത്തെ പൊതുവിതരണ ശൃംഖല ശക്തിപ്പെടുത്തുന്നതിനുള്ള ശ്രമങ്ങളുടെ ഭാഗമായിട്ടാണ് 24×7 സപ്ലൈകോ കൺവീനിയൻസ് സ്റ്റോറുകൾ തുറക്കാൻ സർക്കാർ തീരുമാനിച്ചത്.
താങ്ങാവുന്ന വിലയിൽ അവശ്യവസ്തുക്കളുടെ ലഭ്യത ഉറപ്പാക്കാൻ വിപണി ഇടപെടൽ നടപടികൾ ശക്തമാക്കുമെന്നും, ഓണം സീസണിന് മുമ്പ് മാവേലി സ്റ്റോറുകളെ സൂപ്പർ സ്റ്റോറുകളാക്കി ഉയർത്തുമെന്നും, ഭക്ഷ്യ-സിവിൽ സപ്ലൈസ് മന്ത്രി അനൂപ് ജേക്കബ് പറഞ്ഞു. സർക്കാരിന്റെ 100 ദിവസത്തെ കർമ്മ പരിപാടിയിൽ ഉൾപ്പെടുത്തിയിട്ടുള്ള ആദ്യത്തെ ഔട്ട്ലെറ്റ് സെപ്റ്റംബറിൽ എറണാകുളത്തെ വൈറ്റില ഹബ്ബിൽ പ്രവർത്തനം ആരംഭിക്കുമെന്നും തുടർന്ന് മറ്റ് പ്രധാന നഗര കേന്ദ്രങ്ങളിലേക്ക് ഈ സംരംഭം വ്യാപിപ്പിക്കുമെന്നും അദ്ദേഹം പറഞ്ഞു.
സംസ്ഥാനത്തുടനീളമുള്ള ഏകദേശം 1,600 ഔട്ട്ലെറ്റുകളുള്ള സപ്ലൈകോയുടെ ശൃംഖലയിലൂടെ ഒരു പുതിയ മാർക്കറ്റിംഗ് തന്ത്രം നടപ്പാക്കുകയും പദ്ധതിയുടെ ഭാഗമാണ്.
സബ്സിഡിയില്ലാത്ത ഉൽപ്പന്നങ്ങളുടെ വിൽപ്പന വർദ്ധിപ്പിച്ച് പരസ്യങ്ങളിലൂടെ അധിക വരുമാനം ഉണ്ടാക്കുന്നതിലൂടെ കോർപ്പറേഷന്റെ സാമ്പത്തിക സുസ്ഥിരത മെച്ചപ്പെടുത്തുക, അധിക വരുമാനം ഉപഭോക്താക്കൾക്ക് സബ്സിഡി ആനുകൂല്യങ്ങൾ വിപുലീകരിക്കുന്നതിന് വിനിയോഗിക്കുക എന്നിവയാണ് ലക്ഷ്യം.
ഓണക്കാലത്തെ വിലക്കയറ്റം പിടിച്ചുനിർത്താനും വിപണിയിൽ ശക്തമായ ഇടപെടൽ നടത്താനും അത്തം കിറ്റ്, ഉത്രാടം കിറ്റ്, തിരുവോണം കിറ്റ് എന്നിങ്ങനെ വിവിധ വിഭാഗങ്ങളിലായാണ് സപ്ലൈകോ കിറ്റുകൾ ലഭ്യമാക്കുന്നത്. അരി, പഞ്ചസാര, വെളിച്ചെണ്ണ, പായസം മിക്സ് തുടങ്ങി നിരവധി ആവശ്യസാധനങ്ങൾ അടങ്ങിയതാണ് ഈ കിറ്റുകൾ. ഇതിൽ 1280 രൂപയുടെ സാധനങ്ങൾ അടങ്ങിയ അത്തം കിറ്റ് 1000 രൂപയ്ക്കും, 1880 രൂപയുടെ ഉത്രാടം കിറ്റ് 1500 രൂപയ്ക്കും ഉപഭോക്താക്കൾക്ക് ലഭിക്കും. ശബരി സിഗ്നേച്ചർ കിറ്റ് എന്ന പേരിൽ ഒമ്പത് ശബരി ഉല്പന്നങ്ങൾ അടങ്ങിയ കിറ്റും വിപണിയിൽ ലഭ്യമാണ്. അത്തം കിറ്റിൽ 21 ഇനങ്ങളാണ് ഉൾപ്പെടുത്തിയിരിക്കുന്നത്.
കൂടാതെ, 2540 രൂപ വിലവരുന്ന തിരുവോണം കിറ്റ് 2000 രൂപ നിരക്കിലാണ് നൽകുന്നത്. ഓണത്തോടനുബന്ധിച്ച് ഭക്ഷ്യവസ്തുക്കളുടെ വില കുത്തനെ ഉയരുന്ന സാഹചര്യത്തിലാണ് സപ്ലൈകോ ഈ ആശ്വാസ നടപടിയുമായി രംഗത്തെത്തിയിരിക്കുന്നത്. മുൻ വർഷങ്ങളെപ്പോലെത്തന്നെ ഇത്തവണയും ഓണച്ചന്തകൾ ഉൾപ്പെടെയുള്ള വിപണി ഇടപെടലുകൾ സപ്ലൈകോയുടെ ഭാഗത്തുനിന്ന് ഉണ്ടാകുമെന്ന് അധികൃതർ വ്യക്തമാക്കിയിട്ടുണ്ട്.
ഓണക്കിറ്റുകൾക്ക് പുറമെ നിരവധി സമ്മാനങ്ങളും ബോണസുകളും സപ്ളൈകോ നൽകുന്നുണ്ട്. ഗിഫ്റ്റ് കൂപ്പണും വലിയ ഓഫറുകളുമായി വിപണി കീഴടക്കാനാണ് സപ്ളൈകോ ലക്ഷ്യമിടുന്നത്.
കോഴിക്കോട് ഉൾപ്പെടെ മൂന്ന് പ്രധാന നഗരങ്ങളിൽ വ്യാപാര മേളകൾ സംഘടിപ്പിക്കും. ജില്ലാതല ഓണം മേളകളും മണ്ഡലതല പ്രാദേശിക മേളകളും ഓഗസ്റ്റ് 12 മുതൽ ആരംഭിക്കുവാനാണ് തീരുമാനം.
Supplyco is set to launch 24×7 convenience outlets and release three special Onam kits to curb price hikes during the festive season. To stabilize prices and make a strong market intervention, Supplyco is offering these kits under three categories: Atham Kit, Uthradam Kit, and Thiruvonam Kit. Included in the government’s 100-day action plan, the first 24×7 outlet will open at the Vyttila Hub in Ernakulam this September.
