ഇനി മുതൽ സര്ക്കാര് ഐടി പാര്ക്കുകളില് സജ്ജീകരിച്ചിട്ടുള്ള ഏകീകൃത സംവിധാനത്തിന്റെ സഹായത്തോടെ ആദ്യ ദിവസം തന്നെ ഗ്ലോബല് കേപ്പബിലിറ്റി സെന്ററുകള്ക്ക് പ്രവര്ത്തനം ആരംഭിക്കാന് വഴിയൊരുങ്ങുന്നു. ആഗോള സ്ഥാപനങ്ങള്ക്ക് ചുവപ്പുനാടക്കുരുക്കില്ലാതെ അനായാസം ജിസിസികള് സ്ഥാപിക്കുന്നതിന് ഏകീകൃത സംവിധാനം വാഗ്ദാനം ചെയ്യുന്ന – കേരളം ജിസിസി ബോയിലര്പ്ലേറ്റ് – സംസ്ഥാന സര്ക്കാര് പുറത്തിറക്കി. ഇതോടെ Keralam GCC Boilerplate സ്ഥാപിക്കുന്നതിനുള്ള പ്രക്രിയ നിക്ഷേപകര്ക്ക് എളുപ്പമാകും. 2031 ആകുമ്പോഴേക്കും കേരളത്തില് 150 ജിസിസികള് സ്ഥാപിക്കുക എന്നതാണ് സര്ക്കാരിന്റെ ലക്ഷ്യം
ഇന്ത്യയിലെ ഏറ്റവും വലിയ റെസിഡന്ഷ്യല് ജിസിസി ഉച്ചകോടിയായ ഇക്കണോമിക് ടൈംസ് ജിസിസി വേള്ഡ് സര്ജിന്റെ രണ്ടാം പതിപ്പില് ഇലക്ട്രോണിക്സ് -ഐടി വകുപ്പ് സ്പെഷ്യല് സെക്രട്ടറി സീറാം സാംബശിവ റാവുവാണ് ജിസിസി ബോയിലര്പ്ലേറ്റ് പുറത്തിറക്കിയത്. വ്യവസായ, ഐടി, എഐ മന്ത്രി പി.കെ കുഞ്ഞാലിക്കുട്ടി ഓണ്ലൈനായി ചടങ്ങില് സംബന്ധിച്ചു.
ബഹുരാഷ്ട്ര കോര്പ്പറേഷന് നിക്ഷേപം നടത്താന് തീരുമാനിക്കുന്ന നിമിഷം മുതല് അവരുടെ ജിസിസി പ്രവര്ത്തനസജ്ജമാകുന്നതു വരെയുള്ള കാര്യങ്ങള് സുഗമമായി നടപ്പിലാക്കാന് സഹായിക്കുന്ന മാര്ഗ്ഗരേഖയാണ് കേരളം ജിസിസി ബോയിലര്പ്ലേറ്റ്. ഭൗതിക അടിസ്ഥാനസൗകര്യങ്ങള്, കേരളം ജിസിസി പാര്ട്ണര് നെറ്റ്വർക്ക്, ജിസിസി ഫെസിലിറ്റേഷന് ടീം എന്നീ മൂന്ന് സംയോജിത ഘടകങ്ങള് ജിസിസി ആരംഭിക്കുന്നതിന് സഹായിക്കുന്ന ഏകീകൃത സംവിധാനമായി പ്രവര്ത്തിക്കും.
കേരളം ജിസിസി ബോയിലര്പ്ലേറ്റ് പ്രകാരം സ്ഥാപനങ്ങള്ക്ക് വേഗത്തില് പ്രവര്ത്തനം ആരംഭിക്കാവുന്ന ഓഫീസ് സ്ഥലം, ആദ്യ ദിവസം മുതല് പ്രവര്ത്തന പിന്തുണ, സര്ക്കാര് ഐടി പാര്ക്കുകളില് ആറ് മാസത്തെ വാടക രഹിത പ്രവര്ത്തനം എന്നിവ ലഭിക്കും.
സൗകര്യങ്ങള് ഒരുക്കുന്നതിന്റെ ഭാഗമായി കേരളത്തിലെ എല്ലാ ഐടി പാര്ക്കിലും 20,000 സ്ക്വയര് ഫീറ്റ് വിസ്തീര്ണ്ണമുള്ള ലോകോത്തര അടിസ്ഥാനസൗകര്യം സൃഷ്ടിക്കും. ജിസിസികളുടെ സ്ഥാപനം മുതല് വളര്ച്ച വരെയുള്ള ഘട്ടങ്ങളില് നിക്ഷേപകരെ പിന്തുണയ്ക്കുന്നതിനായി എംപാനല് ചെയ്ത സേവന ദാതാക്കളുടെ ക്യുറേറ്റഡ് ബെഞ്ച് ഉണ്ടായിരിക്കും. കേരളത്തിലെ എല്ലാ ഐടി പാര്ക്കിലും ജിസിസി നിക്ഷേപകര്ക്ക് അവരുടെ ജിസിസികള് സ്ഥാപിക്കുന്നതിന്റെ പ്രാരംഭ ഘട്ടത്തിലുടനീളം സഹായം നല്കുന്നതിനായി സമര്പ്പിത ജിസിസി ഫെസിലിറ്റേഷന് ടീമിനെ സജ്ജീകരിക്കും.
സര്ക്കാര് ഐടി പാര്ക്കുകളില് സജ്ജീകരിച്ചിട്ടുള്ള ഏകീകൃത സംവിധാനത്തിന്റെ സഹായത്തോടെ ആദ്യ ദിവസം തന്നെ പ്രവര്ത്തനം ആരംഭിക്കാന് കഴിയുന്നതിനാല്, കേരളം ജിസിസി ബോയിലര്പ്ലേറ്റ് നിക്ഷേപകര്ക്ക് തടസ്സരഹിതമായ അനുഭവം ഉറപ്പാക്കുമെന്നാണ് കണക്കുകൂട്ടൽ. 50-ലധികം ജിസിസികളും രണ്ട് ലക്ഷം സാങ്കേതിക വിദഗ്ധരും കേരളത്തിലുണ്ട്. സംസ്ഥാനത്തുനിന്ന് പ്രതിവര്ഷം 30,000 കോടി രൂപയിലധികം മൂല്യമുള്ള സോഫ്റ്റ്വെയര് കയറ്റുമതി ചെയ്യുന്നുണ്ട്.
2031 ആകുമ്പോഴേക്കും കേരളത്തില് 150 ജിസിസികള് സ്ഥാപിക്കുക എന്നതാണ് സര്ക്കാരിന്റെ ലക്ഷ്യം. ഈ ദിശയില്, സര്ക്കാര് ഒരു സമര്പ്പിത ജിസിസി നയം പ്രഖ്യാപിക്കുകയും നിലവിലുള്ള ജിസിസികളെ നയരൂപീകരണ ചര്ച്ചകളിലേക്ക് കൊണ്ടുവരുന്ന ജിസിസി കണ്സോര്ഷ്യം രൂപീകരിക്കുകയും ചെയ്തു. ഇതില് ജിസിസി കണ്സള്ട്ടന്റുമാരെയും സഹായികളെയും ഉള്പ്പെടുത്തുകയും ആഗോളതലത്തിലും ഇന്ത്യയ്ക്കകത്തും ജിസിസി നേതൃത്വവുമായി തുടര്ച്ചയായ ആശയവിനിമയം നടത്തുകയും ചെയ്തിട്ടുണ്ട്.
Kerala launches the ‘Keralam GCC Boilerplate’ to enable Global Capability Centres to begin operations on day one, targeting 150 GCCs by 2031.
