നിലവിലെ സാമ്പത്തിക വർഷത്തിൽ 12,000ത്തോളം പുതിയ ജീവനക്കാരെ നിയമിക്കാനും 250 പുതിയ ശാഖകൾ കൂടി ആരംഭിക്കാനും രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (SBI) പദ്ധതിയിടുന്നു. ക്ലറിക്കൽ, ഓഫീസർ കേഡറുകളിലായിട്ടായിരിക്കും ഈ വർഷത്തെ നിയമനങ്ങൾ പ്രധാനമായും നടപ്പിലാക്കുകയെന്ന് എസ്ബിഐ ചെയർമാൻ സി.എസ്. സെട്ടി വ്യക്തമാക്കി.
വാണിജ്യപരമായി സജീവമായ ജില്ലകളിലും പ്രദേശങ്ങളിലും ബാങ്കിന്റെ സാന്നിധ്യം കൂടുതൽ വിപുലീകരിക്കാനാണ് ശാഖാ വിപുലീകരണത്തിലൂടെ ലക്ഷ്യമിടുന്നത്. കഴിഞ്ഞ വർഷം ബാങ്ക് ഐടി വിദഗ്ധരെ വലിയ തോതിൽ നിയമിച്ചിരുന്നെങ്കിലും, ഈ വർഷം ആ വിഭാഗത്തിൽ അത്രയധികം നിയമനങ്ങളുടെ ആവശ്യകതയില്ലെന്ന് അദ്ദേഹം കൂട്ടിച്ചേർത്തു.
ഇതിനുപുറമെ നാഷണൽ സ്റ്റോക്ക് എക്സ്ചേഞ്ചിന്റെ (NSE) നിർദ്ദിഷ്ട ഐപിഒയിൽ എസ്ബിഐയും അതിന്റെ ഉപസ്ഥാപനമായ എസ്ബിഐ ക്യാപിറ്റൽ മാർക്കറ്റും ചേർന്ന് ഏകദേശം 1 ശതമാനം ഓഹരികൾ വിറ്റഴിക്കാൻ ഒരുങ്ങുന്നുണ്ട്. എസ്ബിഐയുടെയും അനുബന്ധ സ്ഥാപനങ്ങളുടെയും വളർച്ച ലക്ഷ്യമിട്ടുള്ള ഈ സുപ്രധാന നീക്കങ്ങൾ ബാങ്കിന്റെ വിപണിയിലെ സ്ഥാനം കൂടുതൽ ശക്തിപ്പെടുത്തും.
12,000 employees and add 250 branches in FY27 while preparing to dilute a 1% stake in NSE’s upcoming IPO.
