ഇന്ത്യയും യു.എ.ഇയും തമ്മിലുള്ള ഉഭയകക്ഷി വ്യാപാരം കൂടുതൽ സുഗമമാക്കുന്നതിന്റെ ഭാഗമായി പ്രാദേശിക കറൻസി ഇടപാടുകളും പേയ്മെന്റ് സിസ്റ്റം സംയോജനവും വേഗത്തിലാക്കാൻ ധാരണയായി. മുംബൈയിൽ നടന്ന ഇന്ത്യ-യു.എ.ഇ ഹൈ ലെവൽ ജോയിന്റ് ടാസ്ക് ഫോഴ്സിന്റെ 14-ാമത് യോഗത്തിലാണ് ഇരുരാജ്യങ്ങളും തമ്മിൽ ഈ സുപ്രധാന തീരുമാനം ഉണ്ടായത്.
ഇടപാട് ചെലവുകൾ കുറയ്ക്കുന്നതിനും പണമിടപാടുകൾ സുഗമമാക്കുന്നതിനുമായി ഇന്ത്യൻ രൂപയിലും യു.എ.ഇ ദിർഹത്തിലും വ്യാപാര സെറ്റിൽമെന്റുകൾ നടപ്പാക്കാൻ സെൻട്രൽ ബാങ്കുകൾ നടപടികൾ സ്വീകരിച്ചുവരുന്നു. ഇതിന്റെ ഭാഗമായി ഇന്ത്യയുടെ യൂണിഫൈഡ് പേയ്മെന്റ്സ് ഇന്റർഫേസും (UPI) യു.എ.ഇയുടെ ഇൻസ്റ്റന്റ് പേയ്മെന്റ് പ്ലാറ്റ്‌ഫോമും റുപേ കാർഡ് സ്വിച്ചുകളും തമ്മിൽ ബന്ധിപ്പിക്കുന്നതിനുള്ള പ്രവർത്തനങ്ങൾ പുരോഗമിക്കുകയാണ്.
2032-ഓടെ ഉഭയകക്ഷി വ്യാപാരം 200 ബില്യൺ ഡോളറിലെത്തിക്കുക എന്ന ലക്ഷ്യത്തോടെ ഊർജം, സാങ്കേതികവിദ്യ തുടങ്ങിയ വിവിധ മേഖലകളിലെ നിക്ഷേപ സഹകരണവും യോഗം വിലയിരുത്തി. ഇരുരാജ്യങ്ങളും തമ്മിലുള്ള സമഗ്ര സാമ്പത്തിക പങ്കാളിത്ത കരാറിന്റെ (CEPA) പുരോഗതിയും ഗിഫ്റ്റ് സിറ്റിയിലെ പുതിയ ബാങ്ക് ശാഖകളുടെ പ്രവർത്തനങ്ങളും യോഗത്തിൽ ചർച്ചയായി.
India and the UAE push to streamline bilateral trade through local currency settlements in Rupee and Dirham, linking UPI with UAE payment platforms to reach $200 billion in trade by 2032.
