ഐഫോൺ നിർമാണ രംഗത്തെ മുൻനിരക്കാരായ ടാറ്റാ ഇലക്ട്രോണിക്സിന്റെ കയറ്റുമതി വരുമാനത്തിൽ 2025-26 സാമ്പത്തിക വർഷത്തിൽ വൻ വർധന. തൊട്ടുമുൻപത്തെ സാമ്പത്തിക വർഷത്തെ അപേക്ഷിച്ച് 29 ശതമാനം വളർച്ചയോടെ കമ്പനിയുടെ ആകെ കയറ്റുമതി വരുമാനം 99,128 കോടി രൂപയായി ഉയർന്നതായി രജിസ്ട്രാർ ഓഫ് കമ്പനീസ് (RoC) കണക്കുകൾ വ്യക്തമാക്കുന്നു. ആപ്പിളിന്റെ ആഗോള നിർമാണ ശൃംഖലയിൽ ടാറ്റാ ഗ്രൂപ്പ് കൈവരിക്കുന്ന വലിയ മുന്നേറ്റത്തിന്റെയും, ചൈനയ്ക്ക് പുറത്തേക്ക് ഉൽപ്പാദനം വ്യാപിപ്പിക്കാനുള്ള ആപ്പിളിന്റെ തന്ത്രപരമായ നീക്കങ്ങളുടെയും പ്രതിഫലനമാണ് ഈ സാമ്പത്തിക നേട്ടം.
ഘടകഭാഗങ്ങളുടെ വലിയ തോതിലുള്ള ഇറക്കുമതി കാരണം കമ്പനിയുടെ വിദേശനാണ്യ ചെലവ് (Forex Outgo) 1,29,641 കോടി രൂപയായി ഉയർന്നിട്ടുണ്ട്. യു.എസ്, തായ്‌വാൻ, അയർലൻഡ് തുടങ്ങിയ രാജ്യങ്ങളിലേക്കാണ് കമ്പനി പ്രധാനമായും കയറ്റുമതി നടത്തിയത്. കടുത്ത മത്സരവും നിർമാണച്ചെലവും കാരണം ഏകദേശം 1,611 കോടി രൂപയുടെ ഏകീകൃത അറ്റനഷ്ടം രേഖപ്പെടുത്തിയെങ്കിലും, കമ്പനിയുടെ പ്രവർത്തന വരുമാനം 96 ശതമാനം വർധിച്ച് 1,29,902 കോടി രൂപയിലെത്തി.
Tata Electronics achieves near ₹1 lakh crore in export revenues for FY26, driven by Apple’s iPhone manufacturing expansion and global supply chain shifts in India.
