ആഗോള സമ്പദ്‌വ്യവസ്ഥയിൽ ഇന്ത്യയുടെ സ്വാധീനം വരും ദശകങ്ങളിൽ കൂടുതൽ ശക്തമാകുമെന്ന് പ്രമുഖ സാമ്പത്തിക വിദഗ്ധനും കൊളംബിയ സർവകലാശാലയിലെ പ്രൊഫസറുമായ ജെഫ്രി ഡി. സാക്സ്. 2000ൽ ആഗോള സാമ്പത്തിക ഉൽപ്പാദനത്തിന്റെ 5.2 ശതമാനം മാത്രമായിരുന്ന ഇന്ത്യയുടെ വിഹിതം 2026ൽ 8.5 ശതമാനമായി ഉയർന്നെന്നും 2050ൽ 13.1 ശതമാനവും, 2100ൽ 15.1 ശതമാനവും ആകുമെന്നാണ് പ്രവചനമെന്നും അദ്ദേഹം പറഞ്ഞു.
വാരാണസിയിൽ നവംബർ രണ്ടിന് ആരംഭിച്ച ‘Ancient Wisdom for Modern Challenges’ എന്ന ലോക സിമ്പോസിയത്തിലാണ് ഇന്ത്യയുടെ സാമ്പത്തിക ഭാവിയെക്കുറിച്ചുള്ള വിലയിരുത്തൽ ഉണ്ടായത്. പുരാതന വിജ്ഞാനത്തിന്റെ പ്രസക്തി, സുസ്ഥിര വികസനം, ആഗോള സാമ്പത്തിക ശക്തികളുടെ പുനഃക്രമീകരണം, ആധുനിക സാങ്കേതികവിദ്യകളുടെ സാധ്യതകൾ തുടങ്ങിയ വിഷയങ്ങളാണ് സമ്മേളനത്തിൽ ചർച്ചയായത്.
ഏഷ്യയിലേക്കും ആഫ്രിക്കയിലേക്കും സാമ്പത്തിക ശക്തി കൂടുതൽ കേന്ദ്രീകരിക്കുന്ന ലോകക്രമമാണ് രൂപപ്പെടുന്നതെന്ന് സാക്സ് വിശദീകരിച്ചു.
അമേരിക്ക, കാനഡ, യൂറോപ്പ് എന്നിവയുടെ സംയുക്ത ആഗോള സാമ്പത്തിക വിഹിതം 2100ഓടെ 13.7 ശതമാനമായി കുറയുമെന്ന പ്രവചനവും അദ്ദേഹം അവതരിപ്പിച്ചു.
ഇന്ത്യയുടെ അടിസ്ഥാന സൗകര്യ വികസനത്തിലും സാമ്പത്തിക വളർച്ചയിലും അദാനി ഗ്രൂപ്പ് നിർണായക പങ്ക് വഹിക്കുന്നതായി ജെഫ്രി സാക്സ് അഭിപ്രായപ്പെട്ടു.ഇന്ത്യയിലും ആഗോളതലത്തിലും അദാനി ഗ്രൂപ്പും അദാനി ഫൗണ്ടേഷനും നടത്തുന്ന സുസ്ഥിര വികസന പ്രവർത്തനങ്ങളുടെ വ്യാപ്തിയെ അദ്ദേഹം പരാമർശിച്ചു.രാജ്യത്തിന്റെ അടിസ്ഥാന സൗകര്യ വികസനത്തെയും സാമ്പത്തിക പുരോഗതിയെയും മുന്നോട്ടുനയിക്കുന്ന പ്രധാന സ്ഥാപനങ്ങളിലൊന്നായാണ് അദാനി ഗ്രൂപ്പിനെ സാക്സ് വിശേഷിപ്പിച്ചത്.
കുടുംബത്തിന്റെ പേര് വഹിക്കുന്ന ബിസിനസ് സ്ഥാപനങ്ങൾക്ക് സാമ്പത്തിക നേട്ടത്തിനപ്പുറം സാമൂഹിക ഉത്തരവാദിത്വവും ഉണ്ടെന്ന് അദ്ദേഹം അഭിപ്രായപ്പെട്ടു.ഓഹരിയുടമകളുടെ വരുമാനത്തിന് പ്രധാന പരിഗണന നൽകുന്ന കോർപ്പറേറ്റ് സ്ഥാപനങ്ങളിൽനിന്ന് വ്യത്യസ്തമായി, കുടുംബത്തിന്റെ പേര് വഹിക്കുന്ന സംരംഭങ്ങൾ ആ കുടുംബത്തിന്റെ പാരമ്പര്യവും സാമൂഹിക പ്രതിബദ്ധതയും കൂടി മുന്നോട്ടുകൊണ്ടുപോകേണ്ടതുണ്ടെന്ന് സാക്സ് ചൂണ്ടിക്കാട്ടി.
പുരാതന വിജ്ഞാനം സംരക്ഷിക്കുന്നതിൽ മാത്രം ഒതുങ്ങാതെ ഇന്നത്തെ സാമൂഹികവും സാമ്പത്തികവുമായ വെല്ലുവിളികൾക്ക് പരിഹാരം കണ്ടെത്താൻ പ്രയോജനപ്പെടുത്തണമെന്ന് അദാനി ഫൗണ്ടേഷൻ ചെയർപേഴ്സൺ ഡോ. പ്രീതി അദാനി ആവശ്യപ്പെട്ടു. പുരാതനമാണെന്നത് കൊണ്ടുമാത്രം ഒരു അറിവിന് മൂല്യമുണ്ടാകുന്നില്ലെന്നും സമകാലിക പ്രശ്നങ്ങൾക്ക് പരിഹാരം നൽകുമ്പോഴാണ് അതിന്റെ യഥാർഥ പ്രസക്തി വ്യക്തമാകുന്നതെന്നും അവർ പറഞ്ഞു.
ഇന്ത്യയുടെ ‘വസുധൈവ കുടുംബകം’ എന്ന ആശയവുമായി ഈ ദർശനങ്ങളെ ബന്ധപ്പെടുത്തിക്കൊണ്ടാണ് പ്രീതി അദാനി സംസാരിച്ചത്.അറിവ് ലോകത്തെ മാറ്റാനുള്ള ശക്തി നൽകുമ്പോൾ വിവേകം ആ മാറ്റം മനുഷ്യനന്മയ്ക്കായി ഉപയോഗിക്കാൻ സഹായിക്കുമെന്നായിരുന്നു അവരുടെ സന്ദേശം.സാമൂഹിക വികസന പ്രവർത്തനങ്ങളിലെ മൂന്ന് പതിറ്റാണ്ടിന്റെ അനുഭവവും പ്രീതി അദാനി പങ്കുവച്ചു.വികസനത്തിന്റെ യഥാർഥ അളവുകോൽ മനുഷ്യരുടെ ജീവിതത്തിലുണ്ടാകുന്ന മാറ്റമാണെന്ന് അവർ വ്യക്തമാക്കി.1996ൽ സ്ഥാപിതമായ അദാനി ഫൗണ്ടേഷൻ ഇന്ത്യയിലെ 22 സംസ്ഥാനങ്ങളിലായി 7,000 ഗ്രാമങ്ങളിൽ പ്രവർത്തിക്കുന്നുണ്ടെന്ന് സംഘടന അറിയിച്ചു.ഫൗണ്ടേഷന്റെ പ്രവർത്തനങ്ങൾ 1.3 കോടി ആളുകളുടെ ജീവിതത്തെ സ്വാധീനിച്ചതായും വാർത്താക്കുറിപ്പിൽ പറയുന്നു.സേവനം എന്നത് സമൂഹത്തിന്റെ ആവശ്യങ്ങൾ കേൾക്കുകയും സ്വന്തം ഭാവി രൂപപ്പെടുത്താൻ ജനങ്ങളെ പ്രാപ്തരാക്കുകയും ചെയ്യുന്ന പ്രവർത്തനമാണെന്ന് പ്രീതി അദാനി അഭിപ്രായപ്പെട്ടു.
ഇന്ത്യയുടെ നാഗരിക വിജ്ഞാനം സംരക്ഷിക്കാനും ഗവേഷണത്തിന് ലഭ്യമാക്കാനുമുള്ള ‘Bharat Knowledge Graph’ പദ്ധതിയെക്കുറിച്ചും പ്രീതി അദാനി വിശദീകരിച്ചു.ഈ പദ്ധതിക്കായി അദാനി ഗ്രൂപ്പ് 10 മില്യൺ യുഎസ് ഡോളറിന്റെ സാമ്പത്തിക പ്രതിബദ്ധത പ്രഖ്യാപിച്ചിട്ടുണ്ട്.
ഇന്ത്യയുടെ പുരാതന വിജ്ഞാനത്തെ വിവിധ ശാസ്ത്രശാഖകളുമായി ബന്ധിപ്പിച്ചുള്ള ഗവേഷണങ്ങൾക്ക് ലഭ്യമാക്കുകയാണ് പദ്ധതിയുടെ ലക്ഷ്യം.
14 ഡോക്ടറൽ ഗവേഷകർക്ക് പദ്ധതി പിന്തുണ നൽകുന്നതായും വാർത്താക്കുറിപ്പിൽ വ്യക്തമാക്കുന്നു.ഇന്ത്യയുടെ പുരാതന വിജ്ഞാനം പുതിയ തലമുറയ്ക്ക് കൂടുതൽ പ്രാപ്യമാക്കുന്നതിൽ ആർട്ടിഫിഷ്യൽ ഇന്റലിജൻസിന് നിർണായക പങ്ക് വഹിക്കാനാകുമെന്ന് കേന്ദ്ര സാംസ്കാരിക മന്ത്രാലയം സെക്രട്ടറി വിവേക് അഗർവാൾ അഭിപ്രായപ്പെട്ടു.പുരാതന ഗ്രന്ഥങ്ങൾ വ്യാഖ്യാനിക്കാനും അവയിലെ അറിവുകൾ കൂടുതൽ ആഴത്തിൽ മനസ്സിലാക്കാനും AI സഹായിക്കുമെന്ന് അദ്ദേഹം പറഞ്ഞു.
കൊളംബിയ സർവകലാശാലയിലെ സെന്റർ ഫോർ സസ്റ്റെയിനബിൾ ഡെവലപ്‌മെന്റിലെ സീനിയർ റിസർച്ച് സ്കോളർ ഡോ. നിരുപം ബാജ്പായിയാണ് ഉദ്ഘാടന സമ്മേളനത്തിന് തുടക്കം കുറിച്ചത്.പുരാതന വിജ്ഞാനവും ആധുനിക വെല്ലുവിളികളും തമ്മിലുള്ള ബന്ധം ചർച്ച ചെയ്യുന്ന അന്താരാഷ്ട്ര സമ്മേളന പരമ്പരയുടെ ഭാഗമാണ് വാരാണസിയിലെ പരിപാടി.2022ൽ ഗ്രീസിലെ ഏഥൻസിലും 2023ൽ സ്റ്റാഗിറയിലും 2024ൽ ചൈനയിലെ കുഫുവിലും ബെയ്ജിങ്ങിലും ഈ പരമ്പരയുടെ ഭാഗമായി സമ്മേളനങ്ങൾ നടന്നിരുന്നു.
India’s share of the global economy has increased from 5.2% in 2000 to 8.5% in 2026 and is projected to reach 13.1% by 2050 and 15.1% by 2100, according to renowned economist Professor Jeffrey D. Sachs.Speaking at an international symposium in Varanasi, Sachs praised the Adani Group for its significant contribution to India’s infrastructure development and economic growth.Dr. Priti Adani, Chairperson of the Adani Foundation, emphasised the importance of applying ancient wisdom to address modern-day challenges.She also highlighted the Bharat Knowledge Graph, an initiative aimed at preserving India’s civilisational knowledge and making it accessible for research. The Adani Group has committed US$10 million to support the initiative.
